Saturday, March 29, 2008

“ရာဇဝင်မှာအရေးခံမယ့် လူစားမျိုးတွေလား”


“ရာဇဝင်မှာ အရေးခံမယ့် လူစားမျိုးတွေလား” ဗိုလ်ချုပ်အောင်ဆန်း(၁၉၁၅-၁၉၄၇)

မြန်မာတိုင်းရင်းသားအပေါင်း၏ အတုမဲ့ယုံကြည်မှုဖြင့် ပြည်ထောင်စုနိုင်ငံတစ်ခုအဖြစ် နယ်ချဲ့ကိုလိုနီ လက်အောက်က အကြွင်းမဲ့ လွတ်မြောက်စေခဲ့သူ မြန်မာ့လွတ်လပ်ရေးဗိသုကာ ဦးအောင်ဆန်း၏ ဝံ့ဝံ့စားစား မေးလိုက်သည့် ခေါင်းစဉ်ပါ ခံ့ညားထည်ဝါသော အသံကို မကြာခဏ ကြားယောင်မိသည်။

ထိုစဉ်က ဆင်းရဲသား အများနည်းတူ တမတ်တန်းမှ ရုပ်ရှင်ကြည့်ခဲ့သူ၊ အစိုးရဝန်ကြီးဘဝ လမ်းဘေးက ပလာတာဆိုင်မှာ ပိုက်ဆံမပါပဲ ခြေကျင်ကျိတ်ခဲ့သူ၊ အမြင်မတော်၍ ကားပေါ်ခေါ်တင်သည်ကိုမှ သူ့အစိုးရထံက အခွင့်အရေးတောင်းမည် စိုးသောကြောင့် တွန့်ဆုတ်ခဲ့သူ၊ ရေမကူးတတ်သော၊ စက်ဘီးစီးမကျွမ်းကျင်သော၊ မိန်းမမည်သို့ ပိုးရသည်ကို မသိသော၊ အထူးအားဖြင့် ပြည်သူထဲက ပြည်သူသာလျှင်ဖြစ်သော ရှေးဦးပထမ မူလတပ်မတော်ကြီးအား တည်ထောင်ပေးခဲ့သူ တပ်မတော်၏ဖခင်ကြီး ဗိုလ်ချုပ်အောင်ဆန်း အကြောင်းအထုပ္ပတ်က တွေးမိတိုင်း နှလုံးစိတ်ဝမ်း ချမ်းမြေ့ကြည်နူးဖွယ်ရာပါပေ။

သူ့နိုင်ငံ၊ သူ့ပြည်သူ၊ သူ့တပ်မတော်သားများ အရေးအတွက် သူ့အသက်ကိုပင်လျှင် နှမျောတွန့်တို ကြောက်ရွံ့ခြင်းမရှိ ပေးလှုရက်ရောခဲ့သူ…။ သူ့အကြောင်းအထုပ္ပတ္တိကို ရုပ်ရှင်ပြန်လည်ရိုက်ကူးဖို့ရာ မြန်မာအနုပညာရှင်အချို့က ယနေ့ခေတ်မှာ ကြိုးပမ်းအားထုတ်နေကြသည့် သတင်းတွေ ကြားသိရသဖြင့် ကျေးဇူးတင်စွာ ကြိုတင်သာဓုခေါ်မိသည်။

ထို့အတူ မည်သူတွေက ပါဝင်သရုပ်ဆောင်ကြမည်ဆိုသည်ကို စိတ်ဝင်တစားရှိရသလို စိတ်ကူးများနှင့်လည်း ကြိုတင်မြင်ယောင်တွေးမိသည်မှာ ရုပ်ရှင်ကြည့်ပြည်သူတိုင်း၏ထုံးစံ။ တပ်မတော်၏ဖခင်၊ မြန်မာ့လွတ်လပ်ရေးဗိသုကာ၊ အမျိုးသားခေါင်းဆောင်ကြီး ဗိုလ်ချုပ်အောင်ဆန်း စသည့်ဝိသေသများစွာကို စံနမူနာတင် ရိုက်ကူးသရုပ်ဆောင်ပြနိုင်မည့် အနုပညာရှင်အဖြစ်က တော်ရုံနှင့်တော့ လွယ်မည်မထင်၊ ရလိမ့်မည်လဲမဟုတ်။

ယနေ့ခေတ် စစ်ဗိုလ်ချုပ်ဆိုသူတစုနှင့် ၄င်းတို့၏အခွင့်ထူးခံ ပေါက်လွှတ်ပဲစား လူချမ်းသာ ဆွေမျိုးသားမယားတို့ ခံစားကြည့်မြင် ဆင်ခြင်နိုင်အပ်ကုန်သော ဦးတည်ချက်၁၂ရပ်ပါ ဖျော်ဖြေရေး ဇာတ်ကားမျိုးမဟုတ်သည့်အတွက် ဖေါက်လွဲဖေါက်ပြန် ပြုနိုင်လွန်းသည့် အဖျော်ဖြေခံ မြန်မာ့အနုပညာရှင်ဆိုသူများ ပါဝင်ရိုက်ကူးရန်မသင့်သလို တန်လည်းမတန်။ လုပ်ရပ် စိတ်ဓါတ်နှင့် ခံစားချက်တို့က သခင်အောင်ဆန်းနှင့် ထပ်တူမဟုတ်လျှင်သော်မှ ငွေမြင်တိုင်းခံသည့် ကျွန်စိတ်တော့ ကင်းသင့်သည်။

အနုပညာသည် ပြည်သူအတွက်၊
အနုပညာသည် တိုင်းပြည်အတွက်၊
အနုပညာသည် အနုပညာအတွက်။

အမျိုးမျိုးအဖုံဖုံ စုံတကာစေ့အောင် ကြွေးကြော်နေကြသော်ငြား တကယ်တမ်း လက်တွေ့မှာတော့မူ အကြွင်းမဲ့ဥသုံ ဆင်းရဲဒုက္ခအလုံးစုံကို ခါးစည်းရင်နင့်ခံနေရသော ပြည်သူ့ဘက်မှာ လက်ချိုးရေတွက်၍ ရသည့် အနုပညာရှင် အနည်းစုမျှသာ ရှိနေသည်။

ဦးအောင်ဆန်းလောက် ပြည်သူအပေါ် မေတ္တာစေတနာ ကြီးမားလှစွာ အနစ်နာခံသောသူ၊
ဦးအောင်ဆန်းလောက် တိုင်းပြည်အပေါ် မြတ်နိုးခြင်း ကြီးမားလှစွာ သစ္စာရှိသောသူ၊
ထို့ထက်ပို၍ ဆိုရပါမူ ဦးအောင်ဆန်းလောက် အနုပညာမြောက်သောသူ...။

သေချာသည်ကတော့ ဦးအောင်ဆန်း၏ ထည်ဝါခံ့ညားလှသည့် ဂုဏ်ပုဒ်တို့ကို ကိုယ်စားပြုရန် ယနေ့အနုပညာရှင် အများအပြား ခံယူထားကြသော မြွေမသေဒုတ်မကျိုး အယူအဆမျိူးတို့နှင့် လားလားမျှ မဆီလျှော်၊ မထိုက်တန်သလို ဆက်စပ်၍လည်းမရ။ အနုပညာအစဉ်အလာ ကြီးမားလှပါသည် ဆိုကုန်သော မြန်မာဖျော်ဖြေရေးသရုပ်ဆောင်များ ကိုယ့်ကိုကိုယ် ပြန်လည်ဆင်ခြင် သုံးသပ်သင့်လှသည်။

အာဇာနည်ဦးအောင်ဆန်း၏ အထုပ္ပတ္တိအား ရိုက်ကူးရန် ထိုက်ထိုက်တန်တန် ပါဝင်ကိုယ်စားပြု သရုပ်ဆောင်မည့် မြန်မာအမျိုးကောင်းသား အောင်ဆန်းဇာနည်ဘွား အနုပညာရှင်တို့ မရှိသလောက် ဆွံ့အ ရှားပါးလျှက် နေကုန်သော တိုင်းပြည်၏ တန်ဘိုးမဲ့ အနုပညာနှင့် နောင်အနာဂတ် ဖါမျိုးဆက်တို့ နိုင်ငံအဖြစ် မရောက်ရစေရေးကို ပြည်သူအပေါ် သြဇာညောင်းသည့် ပြည်သူချစ်သော အနုပညာရှင်များက ပြည်သူတို့နှင့် အတူတကွ လက်တွဲ သမိုင်းရေးပြင်ရန် လိုအပ်နေပြီဖြစ်ကြောင်း တိုက်တွန်း ရေးသားလိုက်ရပေသည်။

“အမျိုး ဘာသာ သာသနာ အကျိုး ကောင်းစွာသယ်ပိုး ထမ်းရွက်နိုင်သောကိုယ် ဖြစ်ရပါလို၏။”

ဇော်မျိုးလွင်

A

B

C

The Kitchen မီးဖိုချောင်