အိုဘယ့် ဒို့ မီဒီယာအုပ်စိုးနိုင်၊ နိုဝင်ဘာ ၁၄၊ ၂၀၀၉။
ဘုရားဒကာ ဗိုလ်ခင်ညွန့်နဲ့ စီအာရ်ပီပီထဲ ၀င်မယ့်သူများ
လွန်ခဲ့သော ငါးနှစ်လောက်က ကျနော်တို့ဆီကို ပဲခူးကျေးလက်ဘက်က လူငယ်တဦး ရောက်လာပါသည်။ သူ့အသက်က ၂၀ ဝန်းကျင်လောက်ပဲရှိပါသေးသည်။ ပြည်တွင်းမှလာသော လူငယ်တဦးအနေဖြင့် မြန်မာပြည်တွင်းမှာ ပြောခွင့်မရခဲ့ သော စကားပေါင်းစုံ၊ မကျေနပ်ချက်ပေါင်းစုံနှင့်၊ မြိုသိပ်ထားရသမျှ ကိစ္စအဝဝကို၊ အိတ်သွန်ဖာမှောက် ကျနော်တို့အား ပြောပြခဲ့ပါသည်။
သူတို့ဒေသက ရ-ဝ-တ တွေ မကောင်းကြောင်း၊ ကြံ့ဖွံ့တွေ လူပါးဝကြကြောင်း၊ ဒေသခံတပ်ရင်းတွေက အနိုင်အထက် ပြုကြကြောင်း၊ စီကာစဉ်ကာပြောပြရာ ကျနော်တို့ကလည်း လူထုအသံ အစစ်အမှန်ကိုကြားနေရပြီဟုဆိုပြီး ကျေနပ်ပီတိ ဖြစ်နေခဲ့ရပါသည်။ သို့သော် ကျနော့်စိတ်ထဲတွင် တခုခုလိုနေသလိုခံစားရသဖြင့် သူ့အား ကျနော်တို့အသိချင်ဆုံးမေးခွန်းကို မေးခဲ့ကြပါသည်။
“ညီလေးပြောတာက ရ-ဝ-တ တို့၊ ကြံ့ဖွံ့တို့၊ တပ်ကြပ်ကြီး ဗိုလ်ကျတာတို့တော့ တော်တော်စုံသွားပြီပဲ။ ဒါတွေကလည်း ညီလေးတို့နဲ့ တိုက်ရိုက်ထိတွေ့နေရတာဆိုတော့၊ အမှန်အတိုင်း ပိုသိရတာပေါ့။ နောက်ပြီး ညီလေးတို့အနေနဲ့ အခု အုပ်ချုပ်နေတဲ့ အစိုးရအပေါ် ဘယ်လိုမြင်သလဲ၊ ဥပမာ ဗိုလ်ခင်ညွန့်တို့ ဘာတို့ကိုပေါ့”
ချာတိတ်သည် ဆယ်စက္ကန့်လောက် ငြိမ်သက်သွားပါသည်။ ပြီးမှ တလုံးချင်း သူ့အမြင်ကို ခပ်ဖြည်းဖြည်း ပြောပြပါ သည်။
“ဗိုလ်ခင်ညွန့်ကတော့ ဘုရားဒကာဗျ၊ ဗမာတပြည်လုံး သူလှူထားတဲ့ တံတားတွေကလည်း အများကြီးဗျ” … တဲ့။
စဉ်းစားသာ ကြည့်ကြပါကုန်။ ကျနော်တို့အားလုံး ပက်လက်လန်သွားပါသည်။
နောက်ထပ်ကြုံရသော လူငယ်တယောက်မှာ ရန်ကုန် ရွှေပြည်သာမှ ဖြစ်ပါသည်။ သူက ကျနော့်ကို ပြည်တွင်းမှ လူထု၏ ဒုက္ခပေါင်းစုံကို တနာရီခန့် စီကာပတ်ကုံး ပြောပြပါသည်။ ပြည်ပမှ မြန်မာဘာသာဖြင့်လွှင့်သော ရေဒီယိုအစီအစဉ်များကို လည်း သူနားထောင်လေ့ရှိသည့်အကြောင်း၊ စစ်အစိုးရကိုဆန့်ကျင်သည့် အဖွဲ့အစည်းတခုခုကို ဝင်ရောက်လုပ်ကိုင်ရန် ဆုံးဖြတ်ထားကြောင်း၊ အားတက်သရော ပြောပြခဲ့ပါသည်။ ကျနော်က သူ့ကို …
“ဘာအကူအညီပေးရမလဲ” … ဟု ပွင့်ပွင့်လင်းလင်း မေးခဲ့ပါသည်။ သူကလည်း ယတိပြတ်ဆုံးဖြတ်ထားပြီးပုံဖြင့် ခိုင်ခိုင်မာမာ အဖြေပြန်ပေးခဲ့ပါသည်။
“ကျနော် CRPP ဝင်ချင်လို့ အကို …”
ကျနော်တို့ ဘာများမှားသွားခဲ့ကြသလဲဟု ကျနော် အထပ်ထပ်စဉ်းစားခဲ့ပါသည်။ ကျနော် ရန်ကုန်မှာရှိစဉ်က ဝါရင့်နိုင်ငံရေးသမားကြီးတဦးပြောခဲ့သော သူ၏ကောက်ချက်ကို အမှတ်ရမိပါသည်။
“ဒီကောင်တွေ အာဏာကိုဘယ်လိုချုပ်ကိုင်ထားသလဲဆိုတဲ့ အချက်အလက်အကြောင်းအရာတွေကတော့ အမျိုးမျိုးရှိနိုင်တာပေါ့ကွာ။ ဒါပေမယ့် အဘ အမြင်ကတော့ ဒီကောင်တွေ အဓိကထိမ်းချုပ်နိုင်အောင် ကြိုးစား ထားတာက ၂ ခု တည်းကွ၊ အဲဒါက စစ်တပ်နဲ့ မီဒီယာ (ဝါဒဖြန့်ချိရေးယန္တယား) ပဲကွ”
မှန်ပါသည်။ ရန်သူ၏ ဝါဒဖြန့်ချိရေးယန္တယား အားသာမှုကို ကျနော်တို့ သွားတွေ့ပါသည်။ တပြိုင်နက်တည်းမှာပင် ကျနော်တို့၏ ဝါဒဖြန့်ချိရေးယန္တယား အားနည်းမှုကို သတိပြုမိပါသည်။ နှစ်ချက်စလုံးသည် လူထုအကျိုးကို ထိခိုက်စေကြောင်း ကျနော်တို့ ရှင်းရှင်းလင်းလင်း မြင်ခဲ့ပါသည်။
‘လိမ်စရာရှိရင် ရဲရဲတင်းတင်း လိမ်ရမည်’ ဆိုသော၊ ဟစ်တလာနှင့် သူ၏ပြန်ကြားရေးဝန်ကြီးတို့၏ ကမ္ဘာကျော် လိမ်နည်းကား ကြီးသည်၊ မြန်မာစစ်အုပ်စုအတွက်တော့ အလုပ်ဖြစ်သင့်သလောက်ဖြစ်နေခဲ့တာ သေချာပါသည်။ ရာစုနှစ်ထက်ဝက်ခန့်လောက် မျက်စိပိတ်၊ နားပိတ်ခံထားရသော မြန်မာလူထုမှာ စစ်အုပ်စုမီဒီယာမှ တပါး၊ ရွေးချယ်စရာ မရှိခဲ့ပါ။ အမှားကြာ၍ အမှန်ဖြစ်တတ်သော မိုးခါးရေ ပင်လယ်ကြီးထဲမှာ မြန်မာပြည်သူတွေ နစ်နေခဲ့ရတာလည်း ကြာပါပြီ။ ကျနော်တို့အတွက် အတိုက်အခံမီဒီယာဟူသည်မှာ ခိုင်ခိုင်မာမာ မရှိလှပါ။
မီဒီယာကို မီဒီယာနဲ့ တိုက်ကြစို့ ဟု … ဘယ်သူက စ
စစ်တပ်က လက်နက်ဖြင့် အကြမ်းဖက် နှိမ်နင်းပါ သည်။ သူတို့မှာ သူတို့ ဘာလုပ်လုပ် မှန်သည်ဟုပြောသည့် မီဒီယာ ခိုင်မာစွာရှိပါသည်။ လူထုက အဖိနှိပ်ခံရပါသည်။ လူထုဘက်က ရပ်တည်ပေး၊ ပြောပေး ကာကွယ်ပေး မည့်ကိုယ်စားပြုအသံဟူ၍ မည်မည်ရရ မရှိပါ။ သည်ကွက်လပ်၊ သည်လိုအပ်ချက်ကို ဖြည့်ဆည်းနိုင်ဖို့ ကျနော်တို့လူတွေ တလျှောက်လုံး ကြိုးစားခဲ့ကြပါသည်။ မြန်မာပြည်ထဲမှာတော့ အကျပ်အတည်းပေါင်းစုံကြားမှ ပင် လူထုဘက်မှ ကျားကန်ရပ်တည်ပေးသော မီဒီယာသမား၊ စာနယ်ဇင်းသမားများကို တွေ့ရပါသည်။ စွန့်စွန့်စားစားဖြင့် စစ်အုပ်စုကို နားရွက် တံတွေးဆွတ်ဝံ့သော မီဒီယာသမားများကို တွေ့ရပါသည်။ ကျနော်တို့ လေးစား၍မဆုံးပါ။
ကျနော်တို့ ထိုင်း-မြန်မာနယ်စပ်ကို ထွက်လာကြသော အတိုက်ခံအဖွဲ့အစည်းများအနေဖြင့်၊ လူထုဘက်က ရပ်တည်မည့် မီဒီယာတရပ်ကို အာသာငမ်းငမ်း တောင့်တခဲ့ကြပါသည်။ လိုနေတဲ့ကွက်လပ်ကို ကျနော်တို့ ဖြည့်မည်ဟု ဆုံးဖြတ်ခဲ့ကြပါသည်။ မီဒီယာအမျိုးမျိုးရှိရာတွင် အထူးသဖြင့် အသံလွှင့်အစီအစဉ်များကို ပိုမို တောင့်တခဲ့ပါသည်။ အားလုံး၏ အထွေထွေပေးဆပ်ခဲ့ရသော ရလဒ်များအဖြစ် ဒီမိုကရက်တစ်မြန်မာ့အသံကို ကျနော်တို့ ထူထောင်ခွင့်ရခဲ့ပါသည်။ နောက် လွတ်လပ်သော အာရှအသံ ပေါ်လာပါသည်။ ကျနော်တို့အားလုံး ဝမ်းသာလိုက်ရသည့်ဖြစ်ခြင်း။
ကျနော်တို့အားလုံးအတွက် လိုအပ်သောကွက်လပ်ကို ဖြည့်ခွင့်ရခဲ့ကြပါပြီ၊ ကျနော်တို့လည်း မီဒီယာတပ်မှူး အသီးသီးကို အားကိုးမျှော်လင့်တကြီး ရွေးချယ်ခဲ့ကြပါသည်။
… ကိုင်း … မီဒီယာစစ်မြေပြင်ရှေ့တန်းကို မနားတမ်း သွားလိုက်ကြပေရာ့။ … အောင်သပြေကို ညောင်ရေပါ လောင်းပေးလိုက်ပါသည်။
စစ်အုပ်စုမှာ သူ ပိုင်ပိုင်နိုင်နိုင် ချုပ်ကိုင်ထားနိုင်သော မီဒီယာပေါင်းစုံရှိပါသည်။ MRTV၊ မြဝတီ၊ MRTV 3 နေ့စဉ်ထုတ် သတင်းစာအမျိုးမျိုး၊ ဂျာနယ်၊ စာနယ်ဇင်းအမျိုးမျိုး။
နောက်ပြီး သူ ပြောချင်၊ ဆိုချင်၊ ဝါဒဖြန့်ချင်တာမှန်သမျှကို ကာတွန်းစာအုပ်နှင့် သီချင်းစာအုပ်ပါမကျန် ရှေ့ဆုံး စာမျက်နှာမှာ ဦးစားပေးဖော်ပြခွင့်ရနေသော အာဏာပိုင်ဖြစ်ပါသည်။ သူတို့မှာရှိသော ဝါဒဖြန့်ချိရေး တင်းပုတ်ကြီးဖြင့် ပြည်သူလူထုကို အားမနာတမ်း ထုနှက်ပါသည်။ အဖိနှိပ်ခံပြည်သူလူထုကြီးမှာ တုံးအောက်က ဖား၊ ပြားမှ ပြား။
ကျနော်တို့မှာ တင်းပုတ်လောက် မကြီးသော်လည်း၊ သွားကြားထိုးတံလောက်တော့ရှိသည့် မီဒီယာအချို့ကို ရှစ်လေးလုံး ဒီမိုကရေစီအရေးတော်ပုံကြီးတွင် သွေးမြေကျခဲ့သူများစွာတို့၏ကျေးဇူးကြောင့် လက်ဆောင်အဖြစ် ရခဲ့ပါသည်။ သွားကြားထိုးတံမှာလည်း သူ့အရွယ် သူ့အစွယ်နဲ့ပေပဲ အားတက်ခဲ့ကြရပါသည်။
ကျနော်တို့မှာ မြန်မာ့မြေပေါ်နှင့် ကင်းလွတ်ခဲ့သောအခါ လွတ်လပ်ခွင့်အနည်းငယ်ကို မြည်းတို့ခွင့်ရခဲ့ကြပါသည်။ သည် ကမ္ဘာကြီးမှာ ကျနော်တို့အတွက် လိုချင်စရာတွေ များလွန်းလှပါသည်။ ဒီမိုကရစီရေး၊ လူ့အခွင့်အရေးနှင့် တဦးချင်း ဗဟိုပြုဝါဒတွေကို ပိုမိုလေ့လာခွင့်၊ သိခွင့်ရကြသည်။ Freedom of media, Freedom of Journalism, Individualism စသည်ဖြင့် ဖြစ်ပါသည်။
နောင်တချိန် မြန်မာပြည်ဒီမိုကရေစီ ကောင်းကင်ကြီးအောက်တွင် ထွန်းလင်းခွင့်ရလို့ကဖြင့် ပွင့်သောပန်းတိုင်း မွှေးအောင် အပြိုင်အဆိုင် ကြိုးစားခွင့်ရကြလိမ့်မည်။ ခေတ်ရေစီးကိုဆန်ပြီး တားဖို့က တစထက်တစ ပိုပြီး ခက်လာတာကိုလည်း ကျနော်တို့ မြင်နေရသည်။ ကျနော့်အယူအဆကလည်း၊ အခွင့်အရေး တန်းတူညီမျှရှိနေ သည့် အခြေအနေဆိုလျှင်၊ အရာအားလုံးကို လွတ်လပ်စွာ ရှင်သန်စေချင်သည်။
သို့သော် … … …။
ကေအဲန်ယူက လူ့အခွင့်အရေး ချိုးဖောက်သည်။ ABSDFက လူသတ်သည်။ ဒေါ်အောင်ဆန်းစုကြည်က ခေါင်းမာသည်။ ၉ဝ ခုနှစ်ရွေးကောက်ပွဲရလဒ်ကို အသေဆုပ်ကိုင်ထားတာ တင်းမာသည်။ ဒီပဲယင်းကိစ္စမှာ လူတွေအများကြီးသေတယ်ဆိုတာ မဟုတ်ပါဘူး။ စီးပွားရေးပိတ်ဆို့ရင် လူတွေငတ်ကုန်ကြမှာပေါ့။
သည်အသံ၊ သည်သတင်းတွေကို ကျနော်တို့မျှော်လင့်မထားသောနေရာများက ကြားခဲ့ကြရပါသည်။ မြန်မာ တိုင်း(မ်)သတင်းစာ၊ မအူပင် ခြင်ကျားရဲ့ဆောင်းပါးတွေထဲက အချက်အလက်များ၊ နအဖ၏ သတင်းစာရှင်းလင်းပွဲကအသံ စတာတွေနှင့် တသဝေမတိမ်းတူသော အသံများလည်းဖြစ်ပါသည်။ သည်အသံများကို ကျနော်တို့၏ အတိုက်အခံကိုယ်စားပြု မီဒီယာများက အော်ကြီးဟစ်ကျယ် ပြောခဲ့သည်ဟုဆိုပါလျှင် သင် အံ့သြပါသလား။
အိပ်မက်မဟုတ်ပါ။ ဤအရာများအားလုံး တကယ်ဖြစ်သွားပြီးခဲ့ပါပြီ။
သွားကြားထိုးတံ အာခေါင်ပြန်စူးခြင်း
‘ဝါလေခီး’မှာ ကျနော်နှင့် အလွန်အင်မတန် ရင်းနှီးသော သတင်းသမားတယောက်က သူ့ခံစားချက်ကို ပွင့်ပွင့်လင်းလင်း ပြောပြခဲ့ပါသည်။
“န-ဝ-တ မကောင်းကြောင်းတွေချည်းပဲပြောရတာ ညည်းငွေ့လာပြီဗျ၊ ဒါတွေက သိပ်ပြီး သတင်းမဖြစ်ချင်တော့ ဘူး၊ ကိုယ့်တို့လည်း တိုးတက်သင့်သလောက် တိုးတက်မလာဘူး ရပ်နေတယ်”တဲ့ …
ကျနော်က ရင်းနှီးသူပီပီ သူ့ကို ပြန်ပြောခဲ့ပါသည်။
“န-ဝ-တ ကောင်းကြောင်းရေးမှ တိုးတက်မယ်ဆိုရင်လည်း ကိုယ့်တက်လမ်းကိုယ်ရှာပေါ့ကွာ” ဟု ပြောဖြစ်ခဲ့ပါ သည်။
သူသည် ကျနော် ခွတိုက်ပြီးအကြံပေးခဲ့သလို ဘယ်တော့မှလုပ်မည့်သူ မဟုတ်ပါ၊ သူ့ရင်ထဲမှာ ဘာရှိသည် ဆိုတာကို ကျနော် သေသေချာချာ သိပါသည်။ သူသည် န-ဝ-တ ကောင်းကြောင်းဝါဒဖြန့်ခြင်းကို လုပ်မည့်သူမျိုး မဟုတ်ပါ၊ သို့သော် နောက်ပိုင်းတွင် အတိုက်အခံ မကောင်းကြောင်း မထိခလုတ် ထိခလုတ်လုပ်ရင်းဖြင့်၊ သူ့ တိုးတက်လမ်း ရှာတွေ့သွားပုံရ ကြောင်းကိုတော့ သတိပြုမိခဲ့ပါသည်။ ဖြစ်မှဖြစ်ရလေခြင်း။
သတင်းထောက်တဦးနှင့် သတင်းကိစ္စများကို ဆွေးနွေးဖူးပါသည်။ သူက … မှန်တာဆိုရင် ဘာပဲဖြစ်ဖြစ် ရေးရ ပြောရမည် ဟု အကြောက်အကန်ရပ်တည်ပါသည်။ အရှိအတိုင်းဖော်ပြတာ သူ့တာဝန်ဟု ဆိုပါသည်။
သည်တရားကို ကျနော် မငြင်းလိုပါ၊ ကျနော်တို့ အားလုံး ဒီဘဝမှာ ရပ်တည်နေကြတာကိုက အမှန်တရားအတွက်ပဲ ဖြစ်ပါသည်။ သို့သော် ကျနော်တို့နေထိုင်ကြသော လောကကြီးသည် အခါခပ်သိမ်း သိမ်မွေ့နေပြီ မဟုတ်သေးပါ၊ တခါတရံ အမှန်တရားအတွက် အချိန်ယူရပါသည်။ အချိန်ပေးရပါသည်။ မှန်ပြီး အကျိုးမရှိသောစကားကို မပြောအပ်ဟုဆိုသော ဒဿနအချို့ကိုလည်း ကျနော်တို့သတိထားရပါသည်။
ကျနော်တို့အင်အားစုများနှင့်ပတ်သက်သော စွပ်စွဲချက်များကို ကြည့်လျှင်လည်း သေသေချာချာသိ၍ ပြောခြင်းထက် မှန်းဆ၍တင်ပြခြင်းများရှိသည်ကိုလည်း တွေ့ရဖူးပါသည်။ နစ်နာစရာရှိလျှင် ကျနော်တို့က ပိုပြီးနစ်နာပါသည်။ အဘယ့်ကြောင့်ဆိုသော် ကျနော်တို့အဖွဲ့အစည်းများသည် တလျှောက်လုံး လူထုဘက်ကသာ ခိုင်ခိုင်မာမာ ရပ်တည်ကာကွယ်ခဲ့ကြသော အင်အားစုများဖြစ်ခဲ့သောကြောင့် ဖြစ်ပါသည်။ န-ဝ-တ ပြောတာ များကိုမူ ကျနော်တို့ လုံးဝ ဂရုမစိုက်ပါ၊ န-ဝ-တ သည် ကျနော်တို့ရန်သူဖြစ်သဖြင့် သူ့အလုပ် သူလုပ်ခြင်းကို ထူးပြီး မပြောချင်တော့ပါ။
ကျနော်ကတော့ နာမည်ကျော်စာရေးဆရာကြီး လူထုဦးစိန်ဝင်း ရေးခဲ့ဖူးတာလေးကို သဘောကျမိပါသည်။ သူ့အဆိုအရ ရဲဘော်သုံးကျိပ်ဝင်တွေ ပြည်ပကို ခိုးထွက်ကြတုန်းက ရန်ကုန်က စာနယ်ဇင်းသမားတွေ အတော် များများ သိခဲ့ကြသည်ဟု ဆိုပါသည်။ အချို့ဆိုလျှင် ထိုသူများကို သူတို့ပင် ရှာဖွေစုဆောင်း ပို့ဆောင်ပေးခဲ့ကြရ သည်။
သို့သော် အရှိအတိုင်းဖော်ပြတာ သတင်းသမားတာဝန်ပဲဆိုပြီး ဘယ်သူကမျှ မဖွခဲ့ကြသည့်အကြောင်း၊ သူတို့ခေတ်က စာနယ်ဇင်းသမားတွေ လူထု ဘက်တော်သားတွေဘက်ကသာ ပြတ်ပြတ်သားသား ရပ်တည်ခဲ့ကြ သည့်အကြောင်း ရေးခဲ့ပါသည်။ အိုးဝေ ဦးညိုမြတို့လို၊ ဆရာကြီး လူထုဦးစိန်ဝင်းတို့လို ဂျာနယ်ကျော် ဦးချစ်မောင် တို့လို၊ စာနယ်ဇင်းသမားများသည် ကျနော်တို့အတွက်တော့ စံပြဇာတ်ကောင်များ ဖြစ်ခဲ့ပါသည်။
ဘီအိုင်အေ၊ ဘီဒီအေ ခေတ်ကလည်း တော်လှန်ရေး လိုအပ်ချက်အရ၊ တော်လှန်ရေးတပ်များကို ဖုတ်ပူမီးတိုက် ဖွဲ့ခဲ့ကြရသည်။ နယ်ချဲ့ဆန့်ကျင်ရေးနှင့် မျိုးချစ်စိတ်ဓာတ်ကိုသာအခြေခံလျှက် ဖွဲ့ခဲ့ကြခြင်းဖြစ်ပြီး စည်းရုံးရေးအတွေ့အကြုံနှင့် စည်းကမ်းပိုင်းများမှာ အားနည်းခဲ့ကြပါသည်။ well trained army ကြီးလုပ်ဖို့ အချိန်များစွာ မရခဲ့ကြပါ။ သည့်အတွက် အမှားအယွင်းအချို့ရှိခဲ့သည်။ သို့သော် ယင်းကိစ္စများကို နယ်ချဲ့မှတပါး မည်သူကမျှ ရေးကြီးခွင်ကျယ် Highlight မလုပ်ခဲ့ကြ။ တခုချင်းကိစ္စထက် တခုလုံးကိစ္စကိုသာ ပိုမိုဦးစားပေးခဲ့ ကြပါသည်။
နောက်ပိုင်း တစုံတရာပွင့်လင်းခဲ့သော ခေတ်များတွင်မူ ရေးနိုင် သလောက် ပြန်ရေးကြတာ တွေ့ရှိခဲ့ပါသည်၊ ကျနော်တို့လည်း ဖတ်ခဲ့ရပါသည်။ ပြဿနာ မရှိလှပါ။ တိုက်ရိုက် ပတ်သက်သူများက သို့မဟုတ် သေသေချာချာသိသူများက တစုံတရာ ပြန်လည် ခုခံဖြေရှင်းနိုင်၊ ငြင်းခုံနိုင်သောဝန်းကျင်အောက်တွင် ကိုယ့်တာဝန် ကိုယ်ယူနိုင်ကြပါသည်။
ငါကိုယ်တိုင်က “ဘာ” လဲ “ဘယ်” လဲ …
သည်လိုပြောသည့်အတွက် ကျနော်တို့အင်အားစုများအား Watchမလုပ်ရဘူးဟု ဆိုလိုခြင်းမဟုတ်ပါ။ ကျနော်တို့ Movementမှာလည်း အားနည်းချက်များ ရှိပါသည်။ တပြိုင်နက်ထဲမှာပင်လျှင် မီဒီယာ၏ အားနည်းချက်များကိုလည်း ကျနော်တို့က တွေ့ပါသည်။
တခါတရံ ကျနော်တို့ လူတွေက Activistလို လုပ်ကြပါသည်။ တခါတရံ Academicလို လုပ်ကြပါသည်။ တခါတရံ Journalistလို လုပ်တာတွေလည်း တွေ့ပါသည်။ တဦးထဲက သုံးမျိုး လေးမျိုးစလုံး လုပ်ကြတာလည်း တွေ့ပါသည်။ ဒီကနေ့ မီဒီယာသမားတွေရဲ့ Roleက ဘာလည်းဆိုတာ လေ့လာရပါဦးမည်။ အဘယ်ကြောင့်ဆိုသော် ကျနော်တို့လည်း Audience ပရိသတ်တွေ ဖြစ်သောကြောင့် ဖြစ်ပါသည်။
နောက်တချက် ‘ဘက်’ကိစ္စဖြစ်ပါသည်။ ‘ဘက်’ ရပ်တည်မှုမရှိသော မီဒီယာမျိုးဖြစ်လာအောင် ကြိုးစားချင်သူများ ရှိကြပါသည်။ ကျနော်တို့တိုင်းပြည် ဒီမိုကရေစီအလင်းရောင်အောက်မှာ လင်းလင်းချင်းချင်း ရှိလာမည့် တချိန်ချိန်တွင် ဒီကိစ္စကို ကျနော်တို့ အားကို အားပေးကြရပါမည်။ ကိုယ့်ဘာသာကိုယ် ဘယ်ဘက်ကပဲ ရပ်ရပ်၊ အဲ့သည်လို မီဒီယာမျိုး ခိုင်ခိုင်မာမာရှိလာဖို့လည်း ကျနော်တို့ လိုလားပါသည်။
ယခုလောလောဆယ်မှာတော့ ကမ္ဘာပေါ်မှာ ဘက်မရှိသော မီဒီယာမျိုးကတော့ ကျနော်တော့ မမြင်မိသေးပါ။ (ကျနော် ညံ့တာလည်း ဖြစ်နိုင်ပါသည်) အစိုးရတခုခု၊ နိုင်ငံရေး အဖွဲ့အစည်းတခုခု၊ ဘာသာရေး အဖွဲ့အစည်းတခုခု၊ စီးပွားရေးအုပ်စု တခုခု၊ အင်ဂျီအို တခုခု …တခုခုသော တခုခု၏ဘက်တွင် ရှိနေကြသည်သာ ဖြစ်သည်ဟု မြင်နေရပါသည်။ ‘ဘ-ခြောက်လုံး’ အခြေခံပေမင့် ဖွဲ့စည်းထားသော နာမဝိသေသနများ၊ ကြိယာဝိသေသနများ၊ ခေါင်းစဉ်တပ်ပုံများကို ကြည့်လိုက်ရုံနှင့်ပင် ဘယ်ဘက်ကရပ်ပြီး ပြောချင်နေတာလဲဆိုတာ ရိပ်မိရပါသည်။
သို့သော် သူတို့နှုတ်ဖျားက လွတ်လပ်ချင်စိတ်များကိုတော့ တပြားသားမျှ မလျှော့ကြပါ။ အချို့သတင်းများဆိုလျှင် သတင်းသမား၏ Preconceived idea ကို ရုပ်လုံးမပေါ်ပေါ်အောင် ဖော်ထားမှန်း သိသာလှပါသည်။ သတင်းသမားများ သည် Comment ပေးလို့ရပါသည်။ News Commentary ဆရာကြီးတွေကို ကျနော်တို့တွေ့ဖူးပါသည်။ အားလုံးက လေးစားရသော ဆရာကြီးများလည်း ရှိပါသည်။ သူတို့မှာ သင့်တင့် လုံလောက်သော အတွေ့အကြုံနှင့် ဗဟုသုတ၊ ရိုးသားသော စိတ်နေသဘာဝတို့ ရှိပုံရပါသည်။ သည့်အတွက်လည်း အောင်မြင်ကြပုံ ပေါ်ပါသည်။
ငွေတမတ်နှင့် ငါးကြင်းခေါင်းကိုင်သူများကိုလည်း တွေ့ဖူးပါသည်။ ငါ့မှာလည်း ပြောခွင့်ရှိတယ်ဆိုပြီး ဗိုလ်ချုပ်အောင်ဆန်း ဆိုတာ အလကားလူကြီးပါဟု လက်လွတ်စပယ် ပြောကြလျှင်ရပါရိုးလား။
ကျနော်တို့ အင်အားစုများက ကိုယ့်အမြင်ကို ကိုယ်ပြောလျှင် အဆိုးမြင်လွန်းသည်၊ Negative တွေများလွန်းသည်ဟု တံဆိပ်ကပ်လေ့ ရှိကြပါသည်။ သို့သော် မိမိကိုယ်မိမိ ကြားနေများဟု ကြွေးကြော်သူများကိုယ်တိုင် တင်ဆက်သည့် သတင်းများ၊ ဆောင်းပါးများ၊ အစီအစဉ်များကို လေ့လာကြည့်သောအခါ တခါတရံ၊ သူတို့ကပင် နိုင်ငံရေးသမားတွေထက် ပိုပြီး ကဲနေကြတာကိုလည်း ဖတ်ရ၊ ကြားရပါသည်။ အော် … သည်လိုတော့လည်း လုပ်လို့ရပေကသားပဲဟု တွေးမိခဲ့ပါသည်။
တပ်မှူးကြီးလား ဒိုင်လူကြီးလား
မနှစ်က ကျနော့်ကို ဖုန်းဖြင့် အင်တာဗျူးတခု လုပ်ခဲ့ပါသည်။ မြန်မာပြည်တွင်း အခြေအနေတချို့နှင့် ပတ်သက်ပြီး ကျနော့် အမြင်ကို ပြောပြပေးဖို့ဖြစ်ပါသည်။ မပြောပြခင် ကြိုတင်စည်းကမ်းတခု သတ်မှတ်ပေးပါသည်။ အခြားသူများ၏ Comment နှင့် မတူအောင် ပြောပေးဖို့၊ အခြားသူတွေ ဘာပြောထားတယ်ဆိုတာကိုလည်း ကျနော့်ကိုပြောပြပါသည်။ မေးသူမှာ လူချင်းကလည်း အတော်ခင်နေသူဖြစ်သည့်အတွက် ကျနော် စိတ်အနှောင့်အယှက် ဖြစ်သွားပါသည်။
“ကျနော်မြင်တာ ကျနော်ပြောလို့မရဘူးလား။ အခြားသူတွေနဲ့ တူချင်လည်း တူမှာပေါ့” ဟု ပြန်ပြောမိပါသည်။ “သတင်းတွေက လှအောင် လုပ်ရတာဗျ၊ ဘာပဲဖြစ်ဖြစ် ပြောကြည့်ပေါ့” လို့ သူက ကျနော့်ကို ပြောခွင့်ပြုခဲ့ပါသည်။ ကျနော်က အခြားခေါင်းဆောင် တယောက်နှင့် တူကောင်းတူနေနိုင်မည့်အမြင်ကိုပင် ပြောပြမိပါသည်။ သို့အတွက် ကျနော့်အသံကို သူ မသုံးခဲ့ပါ၊ ဒါက သူ့လုပ်ပိုင်ခွင့်ထဲက ကိစ္စဖြစ်သော်လည်း တခုခုတော့ မှားနေသလို ကျနော်ခံစားရပါသည်။ သတင်းတွေကို ဘာကြောင့် လှအောင်လုပ်ဖို့လိုသလဲဆိုတာ ကျနော် တကယ်မသိပါ။
တခါကလည်း Economic sanction ကိစ္စနှင့်ပတ်သက်ပြီး ကျနော့်ကို မေးရာ ကျနော်က sanction လုပ်ကို လုပ်ရမယ်၊ ထောက်ခံတယ်လို့ ပြန်ပြောခဲ့ပါသည်။ ကျနော့် အင်တာဗျူးအပြီးမှာ အင်တာဗျူးလုပ်သူက ကျနော့်ကို ဝမ်းသာကြောင်း ပြောခဲ့ပါ သည်။ “ကျေးဇူးပဲဗျာ … တချို့လူတွေက sanction လုပ်တာ မကောင်းဘူးလို့ပြောထားတာရှိတော့၊ ခင်ဗျားပြောလိုက်တာ သိပ်ကောင်းသွားတယ်၊ ကျနော့်သတင်းကို Balance လုပ်ဖို့ ကောင်းသွားတာပေါ့ … ဒါမှ မျှသွားတယ်”ဟု ပြောခဲ့ပါသည်။
သတင်းသမားဟာ တကယ်ကော Balance ဖြစ်အောင်လုပ်ပေးဖို့ တာဝန်ရှိလို့လား၊ ကျနော် စဉ်းစားခဲ့ဖူးပါသည်။ နောက်တကြိမ် အကြောင်းတိုက်ဆိုင်၍ ဖုန်းပြောကြရသောအခါ ထိုကိစ္စကို ကျနော်က အရင်ဆွေးနွေးခဲ့ပါသည်။ သူက ကျနော့်ကို ကောင်းကောင်းမွန်မွန်ပဲ ပြန်ရှင်းပြပေးပါသည်။ “ကျနော်တို့က သတင်းသမားဆိုတော့ ကြားလူတွေ ဖြစ်သွားပြီ၊ နှစ်ဘက် စလုံးကို တတ်နိုင်သလောက် မျှအောင် စဉ်းစားပေးရတာတွေ ရှိလာတယ်”ဟု သူ့ခံယူမှုကို ရိုးရိုးသားသား ပြောပြခဲ့ပါသည်။
လူတဦးချင်းစီ၏ စိတ်ဓာတ်ခံယူမှု၊ ယုံကြည်မှုများကို ကျနော်တို့က ဘာမျှကန့်ကွက်လိုစိတ် မရှိပါ။ ကန့်ကွက်လျှင်လည်း တရားမျှတမှာ မဟုတ်ပါ၊ ပြဿနာက ကျနော့်ရင်ထဲမှာ ကိုယ့်ဘာသာကိုယ် ဖြစ်သွားခဲ့ခြင်း ဖြစ်ပါသည်။ ကျနော်တို့က သူ့ကို တင်းပုတ်နဲ့ သွားကြားထိုးတံ တိုက်တဲ့တိုက်ပွဲမှာ၊ ရှေ့တန်းစစ်မျက်နှာက ကျနော်တို့ရဲ့ မီဒီယာတပ်မှူးလို သဘောထားခဲ့ တာ ဖြစ်ပါသည်။
သူက ‘တပ်မှူး’ မလုပ်ချင်တော့ဘဲ ‘ဒိုင်လူကြီး (ကြားလူ)’ ပဲ ဖြစ်ချင်သည်ဟု ပြောလာသောကြောင့် ဖြစ်ပါသည်။ ကျနော့် မိတ်ဆွေ ထိုသူသည် တသက်လုံး အဖိနှိပ်ခံနှင့် ဖိနှိပ်သူတို့၏ပဋိပက္ခတွင် အဖိနှိပ်ခံဘက်ကသာ ပြတ်ပြတ်သားသား ရပ်ခဲ့သူဖြစ်ပါသည်။ သူ ‘တပ်မှူးဘဝ’ ကနေ၊ ‘ဒိုင်လူကြီး’ ဘယ်အချိန်က ဖြစ်သွားခဲ့မှန်း ကျနော်ပင် သေသေချာချာ မသိခဲ့ပါ။ အခြားသူတွေရော သိခဲ့ပြီလား ကျနော် မသိပါ။ ကျနော်ဆိုခဲ့ပါပြီ၊ တဦးချင်း၏ ကိုယ်ပိုင်ရွေးချယ်မှုများကို ကျနော် အလေးထားပါသည်။
သို့သော် ကျနော် ကြားလူပဲ လုပ်တော့မယ်ဆိုပြီး ကျနော်တို့ရဲ့ ကတုတ် ထဲကနေ သူထွက်သွားတာကို လက်ခံနိုင်အောင် ကျနော် အချိန်အတော် ယူခဲ့ရပါသည်။ သူ့ ဖြတ်သန်းမှု၊ သူ့ ကျွမ်းကျင်မှုနှင့် အတတ်ပညာ၊ သူ့ စိတ်စေတနာကောင်းတွေကို ကျနော်တို့ အပြည့်မရနိုင်တော့ဘူး ဆိုသောအသိသည် ကျနော့်စိတ်ကို အနှောင့်အယှက်ဖြစ်စေခဲ့တာ အမှန်ဖြစ်ပါသည်။
အခြားခေါင်းဆောင်ကြီးတဦးက ကျနော့်ကို ပြောပြဖူးပါသည်။ သူ့ကို နယ်မြေခံသတင်းထောက်တဦးက အင်တာဗျူး လုပ်သည့်အကြောင်း၊ သူ့ကို မလေးမစား အလုပ်ခံရသည်ဟု ခံစားလိုက်ရသည့်အကြောင်း ရင်ဖွင့်ပါသည်။ ထိုသတင်းထောက်က သူ သတင်းပို့ရန် အချိန်ကပ်နေသဖြင့်၊ ပြောချင်တာတခုခု မြန်မြန် ပြောပေးရန် တောင်းဆိုသည်ဟု ဆိုပါသည်။
ခေါင်းဆောင်ကြီးက “ခင်ဗျား တခုခုတော့မေးလေ … ကျနော်က ဘာပြောရမှန်း မသိဘူးဗျ” ဟု ပြန်ပြောပါသည်။ “ရပါတယ် ကိစ္စမရှိဘူး … ဆရာ့အသံပါရင်ပြီးရော၊ ဘာပဲဖြစ်ဖြစ် ပြောသာပြောချလိုက်၊ သင့်တော်တဲ့အပိုင်းကို ကျနော်ကြည့်ပြီး ထည့်လိုက်မယ်”ဟု ပြောကြောင်း ဆိုပါသည်။ “အတော်ခွကျတဲ့လူဗျာ အသံပါရင်ပြီးရော ဆိုတော့ ကျနော် လက်ခေါက်မှုတ်ပြီး ထည့်ပေးလိုက်ရင် ကောင်းမလား ဆိုပြီး စဉ်းစားမိသေးတယ်” ဟု ကျနော့်ကို ရယ်ရယ်မောမော ပြောပြခဲ့ဖူးပါသည်။
အမှန်တရား"ဘက်" က ရပ်ကြတဲ့နေရာ …
ဒီပဲယင်းကိစ္စဖြစ်သောအခါ သတင်းတွေက အမျိုးမျိုးထွက်လာခဲ့ပါသည်။ ဖြစ်ရပ်ကြီးကျယ်ခဲ့တာကိုတော့ အားလုံး သိပြီးဖြစ်၍ အကျယ် မရေးလိုပါ၊ ကျနော်တို့ကလည်း ကျနော်တို့ ပူပန်စိတ်နှင့်မို့ အဖြစ်မှန်တွေလူထုသိဖို့ Media တွေကို အားကိုးတကြီး ချဉ်းကပ်ရပါသည်။ သတင်းအများစု မှန်ကန်ကြောင်း နောက်ပိုင်းတွင် အတည်ပြု၍ ရသော်လည်း၊ အချို့သတင်းများမှာ ခုထိအတည်မပြုနိုင်သေးပါ၊ အချို့မှာ မှားယွင်းပါသည်။
ကျနော်တို့တင်ပြသည့် သတင်းအချို့ မှားယွင်းသောအခါ အတိုက်အခံ တွေဟာ ဒီလိုပဲဆိုပြီး အပြစ်ပုံချပါသည်။ နအဖ က မဟုတ်ပါ၊ ကျနော်တို့၏ ကြားလူများက အပြစ်တင်တာ ဖြစ်ပါသည်။ ကျနော်တို့ ကလည်း အခြေအနေကို ရှင်းပြရပါသည်။ “မြန်မာပြည်မှာ စစ်အုပ်စုတက်လာကတည်းက ဘယ်သူကများ ရာနှုန်းပြည့် အမှန်အတိုင်း သိခွင့်ရလို့လဲ၊ ဘာမှအတည်ပြုလို့ မရတာ၊ အတည်ပြုဖို့ ခက်ခဲတာကိုက မြန်မာပြည်ရဲ့ အခြေအနေမှန်ပဲ။ အမှန်အတိုင်း သိခွင့်မရလို့ မှားတာဟာ အပြစ်မဟုတ်ဘူး”လို့ ပြန်ပြော ခဲ့ရပါသည်။ မီဒီယာသမားအချို့က ကျနော်တို့ကို မျက်မာန်တော် ရှသွားခဲ့ပါသည်။
အတိုက်အခံ (အဖိနှိပ်ခံ) ဘက်က ရပ်တည်သည်ဟုအထင်ခံရသဖြင့် နဝတ နိုင်ငံခြားရေးဝန်ကြီးကို အင်တာဗျူး တောင်းလို့မရဘူးဆိုကာ ဝမ်းနည်းပက်လက်ဖြစ်နေပုံရသော ကျနော်တို့လူများကို မြင်ခဲ့ရ ဖူးပါသည်။ ပြည်သူ့ သစ္စာဖောက်တွေက ရန်သူလို့ သတ်မှတ်ခံ ရတာကို ဂုဏ်ယူပုံမရသည့်အပြင် ကိုယ့်ကိုယ်ကိုယ် အားငယ်နေပုံပင် ပေါက်နေပါသည်။
ကျနော်တို့ အင်အားစုတွေအနေနှင့် တလျှောက်လုံးတွင် တတ်နိုင်သမျှ လူထုဘက်ကရပ်တည်ပြီး စွမ်းသလောက် ဆောင်ရွက်ခဲ့ကြပါသည်။ ဒီကနေ့ မီဒီယာရဲ့အရေးပါမှုကိုလည်း ကျနော်တို့က အလေးထား ပါသည်။ သတိပြုမိကြပါသည်။ Media Ethic အရ ဆောင်ရွက်ကြရတာတွေ ကိုလည်း နားလည်မှုရှိပါသည်။ Media သမားတွေထဲမှာ၊ ကိုယ်ယုံတဲ့အတိုင်း မှန်မှန်ကန်ကန် ရပ်တည် လုပ်ကိုင်နေကြသူအချို့ ကိုလည်း ကျနော်တို့တွေ့ပါသည်၊၊ အချို့ဆိုလျှင် ကျနော် တလေးတစား ရှိပါသည်။ သို့သော် ကျနော် ယခု တင်ပြခဲ့သည် များမှာ ဝါးလုံးရှည်နှင့် ရမ်းလို၍မဟုတ်ပါ၊ အချို့သော ငါးခုံးမများကြောင့် တလှေလုံး မပုပ်စေလို၍ ဖြစ်ပါသည်။
ကျနော်ကတော့ ကျနော်တို့တပ်မှူးတွေကို ဒိုင်လူကြီး မဖြစ်စေချင်ပါ၊ အဖိနှိပ်ခံဘက်က ရပ်ရတာကို၊ ဂုဏ်ငယ် တယ်လို့ မခံစားစေလိုပါ။ လူထု ဦးစိန်ဝင်းတို့၊ အိုးဝေ ဦးညိုမြတို့၊ ဂျာနယ်ကျော် ဦးချစ်မောင်တို့၊ အမေ ဒေါ်အမာ တို့လို လူထုဘက်က ပြတ်ပြတ်ရပ်ခဲ့တဲ့၊ မီဒီယာသမားတွေ ဖြစ်စေချင်ခဲ့သူဖြစ်ပါသည်။ ဦးချစ်မောင်ဆိုလျှင် ဘယ် နိုင်ငံရေး ပါတီအဖွဲ့အစည်းကိုမှ တရားဝင်မဝင်ခဲ့ပေမင့် လူထုဘက်ကရပ်ခဲ့သော သတင်းစာဆရာ တယောက် ဆိုသည့်ဂုဏ်ကိုမူ တောင့်တခဲ့သူ ဖြစ်ပါသည်။
မြန်မာပြည် ဒီမိုကရေစီဖွံ့ဖြိုးတိုးတက်ရေးအတွက် အထောက်အပံ့ ဖြစ်စေလိုသော ရည်ရွယ်ချက်ဖြင့် နိုင်ငံအချို့က ငွေကြေး အရ၊ ရုပ်ဝထ္တုအရ အကူအညီအချို့ပေးပါသည်။ ထိုခေါင်းစဉ်အောက် ထိုရည်ရွယ်ချက် အောက်တွင်ရှိနေသူများမှာ ကျနော်တို့နှင့် တလှေထဲစီး တခရီးထဲသွားကြသူများဟု ကျနော်တို့က ရိုးရိုးသားသား ယုံကြည်ပါ သည်။ ကျနော်တို့ ရဲဘော်ရဲဘက်များဟုလည်း သုံးစွဲလိုပါသည်။
ထို့ကြောင့်ပင် အချို့အင်အားစုများကို ကျနော်တို့ မီဒီယာဟု ဆိုလိုရခြင်း ဖြစ်ပါသည်။ သည်အဆိုကို သီအိုရီအရ သုံးစွဲတင်ပြခြင်းမဟုတ်ပါ။ လတ်တလော အခြေအနေအောက်မှ ကျနော်တို့ ပြည်သူလူထု အကျိုးစီးပွားကို ချဉ်းကပ်သုံးစွဲခြင်းသာ ဖြစ်ပါသည်။ အားလုံးကိုယ်စီမှာ မိမိနှစ်သက်ရာ သင့်တော်သော နည်းလမ်းပေါင်းစုံ၊ နည်းနာပေါင်းစုံကို ကျင့်သုံးနိုင်ခွင့်ရှိကြပါသည်။ သို့သော် မည်သည့်နည်းနာကမျှ သေနင်္ဂဗျူဟာကို သစ္စာ မဖောက်သင့်ပါ။
မီဒီယာတင်းပုတ်လား သွားကြားထိုးတံကလေးလား
တတ်နိုင်သလောက် ချုပ်၍ဖော်ပြပါမည်။ ရန်သူက မီဒီယာတင်းပုတ်ကြီး နှင့် လူထုကို မညှာမတာ ထုပါသည်။ ကျနော်တို့က မဆိုစလောက်သော မီဒီယာသွားကြားထိုးတံကလေးဖြင့် ပြန်တွန်းလှန် နေရသော အခြေအနေ ဖြစ်ပါသည်။ သွားကြားထိုးတံလေးမှာမှ ယိုင်နဲ့နဲ့ဖြစ်နေရလျှင် ကျနော်တို့ ဘယ်တော့မှ နာလံထူကြတော့မှာ မဟုတ်ပါ။ ကျနော့်အနေဖြင့် ဘယ်သူဘယ်ဝါ ပုဂ္ဂိုလ်ရေးရာပြောဆိုရန် ဆန္ဒလုံးဝမရှိပါ။ မူသဘောများကိုသာ အဓိက ပြောလိုပါသည်။
ကျနော်တို့ အယူအဆက ဒီမိုကရေစီတော်လှန်ရေး ခရီးစဉ်အောက်မှာ မီဒီယာသမားတိုင်းက အဖိနှိပ်ခံ လူထု ဘက်ကသာ ပြတ်ပြတ်သားသား ရပ်စေချင်ပါသည်။ ဒီမိုကရေစီဆန့်ကျင်သူနှင့် ဒီမိုကရေစီလိုလားသူတို့၏ ပဋိပက္ခ ပိုများလာလေလေ မီဒီယာ၏ အရေးပါမှုက ပိုလာလေလေဖြစ်မှာ သေချာပါသည်။
သည်ဆောင်းပါးကို ရေးသားရသည်မှာလည်း ကျနော်တို့လူတွေကို ပိုမိုဦးတည်၍ မေတ္တာရပ်ခံသည့်သဘော ဖြစ်ပါသည်။ မကသော အရုပ်များ ကြိုးရှုပ်နေသည်ကိုတော့ ကျနော်တို့ တားနိုင်မည်မဟုတ်ပါ၊ မီဒီယာသည် ပြည်သူ့အတွက် ဖြစ်စေလိုသော စေတနာဖြင့် ဤစာကို ရေးပါသည်။ ။
လူ့ဘောင်သစ် ဂျာနယ် အတွဲ ၈ အမှတ် ၁ အောက်တိုဘာလ ၂၀၀၃ ခုနှစ် တွင် ဖော်ပြခဲ့ပြီး -
မိုးမခ၀ိုင်းတော်သား ကိုဦး၊ မသန္တာတို့ ဘလော့ဂ်က ပြန်လည် ကူးယူဖော်ပြပါတယ်။ http://oothandar.blogspot.com
.jpg)
.jpg)
.jpg)
