သစ်ပင်တု

သစ်ပင်တု
Written by စန်းစန်းတင်

သစ်ပင်တုတွေကြား
နေရတာ
မာယာများတဲ့ လူတွေကြား
နေရတဲ့အလား။

နေရောင်မလိုဘဲ
နေရောင်လိုသလို
ဟန်ဆောင်
ရေမလိုဘဲ ရေလိုနေသယောင်
ဟန်ဆောင်
မြေမရှိလည်း မြေအတုနဲ့
အယောင်ဆောင်နိုင်လိုက်တာ။

အနုပညာနှလုံးသားရှင်
အော်စကာဆုရှင်တွေတောင်
သူတို့လောက် ဟန်မဆောင်နိုင်။

သစ်ပင်တုကပွင့်တဲ့ ပန်းအတု
ရေမွှေးဆွတ် အတင်းမွှေးခိုင်းလည်း
အတုဟာ အတုပဲဖြစ်
အစစ်ကို မယှဉ်နိုင်လည်း
ပန်းစစ်စစ်ကတောင်
သူ့လောက် မစစ်သလို
ဟန်တွေပို။

သစ်ပင်တုက သီးတဲ့ သစ်သီးတု
သူမို့ သီးရဲလေတယ်။

အနံ့လည်းမမွှေး
အဟာရလည်း မပေး
ဒါပေမယ့်
မာယာများစွာသုံး
အကောင်းဆုံး အသီးမျိုး
သူကလွဲလို့ ဘယ်မှာမှ မသီးတဲ့ပုံ။

မာယာတွေကြား
နေတာများတော့
နှလုံးသားမှာ
ဒဏ်ရာတွေ ဗလပွ
တလောကလုံး
မာယာတွေသာ ဒီလိုသုံးနေရင်
သစ်ပင်တုတွေနဲ့
လေထုမသန့် ၀န်းကျင်ညစ်ညမ်း
စိတ်လည်း မကျန်းမာ။

သစ်ပင်တုများရဲ့  ကမ္ဘာ။ ။

စန်းစန်းတင်
ဧပြီ ၁၇။ ၂၀၁၀
http://www.kaungkin.com/