Monday, May 4, 2009

"နာဂစ်ဒေသတွင် လုံခြုံရေးတာဝန် ထမ်းဆောင်ခဲ့သူ မြန်မာနိုင်ငံ ရဲတပ်ဖွဲ့ဝင် တစ်ဦး၏ အတွေ့အကြုံများ"

“သူတောင်းစား နှိမ်နင်းရေးစီမံချက်’’ဆိုပြီး အမိန့်ထုတ်လာပါတယ်။ အဲဒီလို “သူတောင်းစား နှိမ်နင်းရေး စီမံချက်’’ထွက်လာတယ်ဆိုပြီး သေနတ်တွေ ကျည်တွေပေးပါတယ်။ ကျနော်တို့ကို ဘာပြောလဲဆိုတော့ နိုင်ငံခြားသားတွေလာလို့ရှိရင် ဒီလို တောင်းရမ်း စားသောက်နေတာ မတွေ့စေချင်ဘူးလို့ ပြောပါတယ်။ သိက္ခာကျတယ်လို့ ပြောပါတယ်။ ပြီးတော့ ည(၇)နာရီ (ဂ)နာရီလောက်မှာပါ။ သူတို့တွေလည်း ပင်ပန်းလို့ အိပ်ချင်တဲ့အချိန်ပေါ့ဗျာ။ တဲတွင်းမှာ အိပ်နေတဲ့လူတွေ အပြင်ထွက်။ ညတွင်းချင်း ဖျက်ခိုင်းရတယ်။ မဖျက်ရင် ဓါးတွေနဲ့ ခုတ်ထစ်၊ ခြေထောက်တွေနဲ့ ကန်ဖြို သူတို့တွေငိုကြတယ်။ မပြောင်းမနေရ ကျနော်တို့တွေ မောင်းထုတ်လိုက်တော့ ညတွင်းချင်း အဲဒီလူတွေဟာ သချိုင်းကုန်းတွေ၊ လယ်တွေကြားက ကုန်းကလေးတွေကို ပြောင်းသွားရတယ်ဗျာ....”

အမည်။ ။ရဲတပ်သား အောင်မျိုးသူ

ကိုယ်ပိုင်အမှတ်။ ။လ/၂၁၁၄၀၅

အသက်။ ။ ၂၃နှစ်

နေရပ်။ ။ဧရာဝတီတိုင်း၊ ဇလွန်မြို့နယ်၊ ဟင်္သာတခရိုင်၊ ညောင်ပင်ကျေးရပ်ကွက် သံလွင်ကွင်းကျေးရွာ

လုပ်သက်။ ။(၃)နှစ်ခွဲ

နာဂစ်ဒေသ။ ။ဖျာပုံ- ဒေးဒရဲအပိုင်တွင် (၂)လတိုင် လုံခြုံရေးတာဝန် ထမ်းဆောင်ခဲ့။

ကျနော် ၂၀၀၅ခုနှစ်မှာ ဆယ်တန်းအောင်မြင်ပြီး ပဲခူးတိုင်းပြည်မြို့နယ်၊ ၀က်ထီးကန် ရဲလေ့ကျင့်ရေး အမှတ်(၂) သင်တန်းကျောင်းမှာ သင်တန်းငါးလကျော် ခြောက်လတက်ခဲ့ပြီးတော့ ဇလွန်မြို့နယ် ရဲတပ်ဖွဲ့မှူးရုံးမှာ တာဝန် ထမ်းဆောင်ခဲ့ပါတယ်။ ရဲ(၁)လို့ခေါ်တဲ့ ရဲတပ်ဖွဲ့ဆိုင်ရာ စာရင်းတွေကိုလုပ်ရပါတယ်။ ပြီးတော့ ဆက်သွယ်ရေးတာဝန်ကို ယူရပါတယ်။ ၀န်ထမ်းလစာ တစ်လကိုကျပ်ငွေတစ်သောင်းခွဲပဲ ရပါတယ်။ စားမလောက်တာတွေရယ် ပြီးတော့ သင်တန်းမှာ သင်ရတာနဲ့ အပြင်မှာ လုပ်ရတာနဲ့က တခြားစီးဖြစ်နေတာတွေကြောင့် ကျနော်လုံးဝလုပ်လို့ မပျော်တော့တာကြောင့် ၂၀၀၈ ခု စက်တင်ဘာမှာ ထိုင်းနိုင်ငံဘက်ကို ထွက်လာခဲ့ပါတယ်။ ခုကျနော် ပန်းရံအလုပ် ၀င်လုပ်နေပါတယ်။

၂၀၀၈ခုနှစ် မေလဆန်းမှာ နာဂစ်မုန်တိုင်းတိုက်တော့ ကျနော်တို့ကို လုံခြုံရေးအတွက်ဆိုပြီး မေလ(၁၂)ရက်နေ့မှာ ဒေးဒရဲမြို့ကို စပြီးရောက်ခဲ့ပါတယ်။ ရယကရုံးကို ကျနော်တို့အဖွဲ့ အရာရှိတွေအပါအ၀င်ပေါ့ အားလုံး(၂၂)ယောက်။ (၁၅)ပေလောက်ရှိတဲ့ အခန်းတစ်ခန်းမှာ တည်းရပါတယ်။ တံတားရဲ့ခြေရင်းက တိုက်ခန်း ကလေးပါ။ စားသောက်စရာတွေတော့ တိုင်းက ပေးလိုက်ပါတယ်။ တပ်ဖွဲ့ဆိုတော့ ချက်တာ ပြုတ်တာ စားသောက်တာတွေဟာ ဘုန်းဘောလအောပဲ။ စည်းမရှိ ကမ်းမရှိနဲ့၊ ပြုတ်ပြီး အခွံခွါထားတဲ့ ဘဲဥမှာ အပြင်က အဖြူရောင်တွေက ယင်ကောင်တွေစားလို့ ကုန်တဲ့အထိကို ထားချင်သလိုထားတာပါ။ ကျနော်ဆိုရင် သွေးဝမ်းတွေသွားလို့ ဆေးရုံတက်ခဲ့ရပါတယ်။ ဆရာဝန်ကြီးက ကျနော်တို့ အရာရှိကိုခေါ်ပြီး သန့်သန့်ရှင်းရှင်း နေထိုင်၊ စားသောက်ဖို့ သတိပေးခဲ့ရပါတယ်။

မုန်တိုင်းတိုက်နယ်မြေကို ကျနော်တို့ရောက်သွားတဲ့အခါ လူသေအလောင်းတချို့နဲ့ ၀က်သေကောင်၊ နွားသေကောင်၊ ကျွဲသေကောင် အပုပ်တွေရှိသေးတယ်။လေကောင်းလေသန့်ကို မရှုရဘူး။ အပုပ်နံ့တွေ တချက်တချက်လာတာ လူကို အော့ချင်လောက်အောင်ပါပဲ။ ကျနော်တို့က ပျက်နေတဲ့အိမ်တွေ တဲတွေကို စစ်သားတွေနဲ့ရောပြီး ပြန်ကူဆောက်ပေးရပါတယ်။ အချို့ဘာမှမသိတဲ့ (၁၃)နှစ် (၁၄)နှစ် ကလေးစစ်သားတွေတောင် ပါပါတယ်။ မလေးရှားတို့၊ တရုတ်တို့၊ နိုင်ငံခြားက လာအကူအညီပေးတဲ့ ရွက်ဖျင်တဲတွေကို ကျနော်တို့ ဆောက်ပေးရပါတယ်။ ဒေးဒရဲတံတားအနားမှာ အလုံး(၂၀)လောက် ကျနော်တို့ ဆောက်ရပါတယ်။ ဒေးဒရဲအားကစားရုံကြီး ပြိုသွားတာကို ကျနော်တို့ကိုယ်တိုင် ရှင်းလင်းပြီးတော့ အဲဒီမှာလည်း တဲတွေ ဆောက်ရပါတယ်။

ကျနော်ဟာ မုန်တိုင်းဒေသကို သွားရမယ်ဆိုတော့ ဒုက္ခရောက်တဲ့လူတွေကို ကူညီရတော့မယ်ဆိုပြီး တော်တော်လေး ပျော်ခဲ့ပါတယ်။ ဒါပေမယ့်ကျနော်တို့က သူတို့ခိုင်းတာကိုပဲ လုပ်ခွင့်ရပါတယ်။ ကျနော်တို့က လမ်းကြောင်း စောင့်ရပါတယ်။ ဒေးဒရဲ ဖျာပုံလမ်းပေါ့ဗျာ။ ပြည်ထဲရေးဝန်းကြီး လမ်းကြောင်းတို့၊ ၀န်ကြီးချုပ် လမ်းကြောင်းတို့၊ နိုင်ငံခြား ဧည့်သယ်လမ်းကြောင်းတို့ရှိရင် လမ်းကြောင်းရှင်းပေးရပါတယ်။

လေဘေးသင့် ဒုက္ခသယ်တွေက တိုင်းနဲ့ ပြည်နယ်အသီးသီးက၊ မြို့အသီးသီက လာလှူကြတာတွေကို လမ်းပေါ်တက်ပြီး ယူကြတယ်ပေါ့ဗျာ။ သားသမီးများရင်များသလို အလုအယက်ယူ ကြပါတယ်။ ဒါကို ကျနော်တို့ ကိုယ်ချင်းစာပါတယ်။ အဲဒီလိုယူနေကြတော့ ၀န်ကြီးလမ်းကြောင်း ပိတ်သွားပါတယ်။ ကျနော်တို့ကို အထက်က အမိန့်ပေးတယ်ခင်ဗျ။ လူတွေကို ရိုက်နှက်၊ ဆဲဆို ကန်ကျောက်ပြီး ရှင်းခိုင်းတယ်ခင်ဗျ၊ ဖယ်ပေး၊ ဖယ်မပေးရင် ပစ်မယ်ခတ်မယ်ပေါ့ဗျာ။ အော်ငေါက်ရတယ်။ ပြည်သူတွေက လမ်းပေါ်က ဆင်းသွားရတာပေါ့ဗျာ။ သူတို့ခိုင်းတဲ့အတိုင်း ကျနော်တို့လုပ်ခဲ့ရပါတယ်။ ကျနော်တို့ကို အမိန့်ပေး အုပ်ချုပ်တာက ပြည်မြို့အင်းမက တပ်မ(၆၆)စစ်တပ်က ဗျူဟာမှူးနဲ့ တပ်မမှူးတွေပါ။ သူတို့တွေလာရင်လည်း ကျနော်တို့က လုံခြုံရေး ယူရတယ်ခင်ဗျ။

ညဖက်ကျတော့ အစည်းအဝေးခေါ်တယ်ခင်ဗျ။ ဧရာဝတီတိုင်းရုံးက ညွှန်ကြားချက်လို့ ပြောပါတယ်။ “သူတောင်းစား နှိမ်နင်းရေးစီမံချက်’’ဆိုပြီး အမိန့်ထုတ်လာပါတယ်။ အဲဒီလို “သူတောင်းစား နှိမ်နင်းရေး စီမံချက်’’ထွက်လာတယ်ဆိုပြီး သေနတ်တွေ ကျည်တွေပေးပါတယ်။ ကျနော်တို့ကို ဘာပြောလဲဆိုတော့ နိုင်ငံခြားသားတွေလာလို့ရှိရင် ဒီလို တောင်းရမ်း စားသောက်နေတာ မတွေ့စေချင်ဘူးလို့ ပြောပါတယ်။ သိက္ခာကျတယ်လို့ ပြောပါတယ်။ ကျနော့်အမြင်ကတော့ မရှိလို့တောင်းစားတာ ရှက်စရာမဟုတ်ပါဘူး။ ခိုးစားတာမှ မဟုတ်တာ။ သူတို့တွေလို မဟုတ်တာ လုပ်နေတာ၊ လိမ်နေတာကမှ ရှက်စရာလို့မြင်ပါတယ်။

“သူတောင်းစား နှိမ်နင်းရေးစီမံချက်’’မှာ ဘာလုပ်ရလဲဆိုတော့ ညဘက်မှာ ဖျာပုံမြို့ပေါ်က ချောဆွဲထားတဲ့ ဟိုင်းလတ်ကားတွေနဲ့ ကျနော်တို့ သွားရတယ်။ စခန်းမှူးကိုယ်တိုင်ပါတယ်ခင်ဗျ။ စစ်တပ်က အမုန်းမခံတော့ဘူး။ ၂၀၀၇ စက်တင်ဘာ ရွှေဝါရောင်တော်လှန်ရေးကတည်းက အမုန်းမခံတော့ဘူးခင်ဗျ။ ကျနော်တို့ကို အမုန်းခံခိုင်းတယ်။ စစ်တပ်ကလူ အမုန်းမခံတော့ဘူးဆိုတာ လုံးဝသေချာသွားပြီလေ။

လူတွေဟာ လယ်ကွက်တွေမှာ ရေတွေပုပ်နေလို့ မနေနိုင်ဘူး။ ကစင်းရိုး၊ တာရိုးတွေပေါ်က အကွက်ကလေးတွေမှာ ဖျင်စုတ် အစအနတွေ အုန်းလက်တွေနဲ့ တဲလေးတွေ ဆောက်နေကြတယ်။ အချို့ တဲတွေမှာ တစ်ယောက် နှစ်ယောက် အချို့တဲတွေမှာ အသက်ကြီးနေတဲ့ လူတွေ၊ ဗိုက်ကြီးသယ်တွေ၊ အချို့ဆိုရင် ကလေးငယ်လေးတွေနဲ့ပါ။ အဲဒါတွေက ဖျာပုံနဲ့ ဒေးဒရဲလမ်းမကြီးပေါ်မှာပါ။

ည(၇)နာရီ (ဂ)နာရီလောက်မှာပါ။ ကျနော်တို့လည်း အိပ်ချင်တဲ့အချိန်၊ သူတို့တွေလည်း ပင်ပန်းလို့ အိပ်ချင်တဲ့အချိန်ပေါ့ဗျာ။ တဲတွင်းမှာ အိပ်နေတဲ့လူတွေ အပြင်ထွက်။ ညတွင်းချင်း ဖျက်ခိုင်းရတယ်။ မဖျက်ရင် ဓါးတွေနဲ့ ခုတ်ထစ်၊ ခြေထောက်တွေနဲ့ ကန်ဖြို သူတို့တွေငိုကြတယ်။ မပြောင်းမနေရ ကျနော်တို့တွေ မောင်းထုတ်လိုက်တော့ ညတွင်းချင်း အဲဒီလူတွေဟာ သချိုင်းကုန်းတွေ၊ လယ်တွေကြားက ကုန်းကလေးတွေကို ပြောင်းသွားရတယ်ဗျာ။

ကျနော် မျက်ရည်ကျမိတယ်ခင်ဗျ။ အဲဒီနေ့ကစပြီး ကျနော်လုပ်နေတဲ့ ပြည်သူ့ရဲဝန်ထမ်းဘ၀ကို လုံးဝမုန်းသွားတယ်။ လုံးဝ စိတ်ဓါတ်ကို အလုံးအရင်းနဲ့ ကျသွားတယ်။ အဲဒီကတည်းက လုံးဝကို ကျနော်မလုပ်ချင်တော့တာပါ။ သူတို့လုပ်တာက နိုင်ငံ့ဝန်ထမ်းကိုသာ ရှင်းပြပြီး ပြည်သူတွေမသိအောင် လုပ်တာ။ လုံးဝတရား မျှတမှုမရှိဘူး။ ကျနော်တို့ကိုရှင်းပြတယ်။ ဒီလိုတောင်းစားနေရတာတွေက နိုင်ငံခြားသားတွေ မြင်ရင် လုံးဝမသင့်တော်ဘူး။ ဒါကြောင့်လို့ ပြောတယ်။ ဒါပေမယ့် ပြည်သူဘက်က ကြည်မယ်ဆိုရင် ဒါလုံးဝ တရားနည်းလမ်း မကျဘူးလို့ ကျနော်ထင်တယ်။

“သူတောင်းစား နှိမ်နင်းရေးစီမံချက်’’ဘာညာ ‘‘သူတောင်းစား ’’ဆိုပြီး ကိုယ့်လူမျိုးတွေအပေါ်မှာ မသုံးသင့်ပါဘူး။ နိုင်ငံခြားသားတွေအပေါ်မှာ ဒါတွေမရှိဘူးဆိုပြီး အထင်ကြီးစေချင်တယ်ပေါ့။ ဒုက္ခရောက်နေတာတောင်မှ ဒါတွေမလုပ်ဘူးပေါ့။ အဲဒီလိုသဘောပါ။ ဘာဖြစ်လို့လဲဆိုတော့ သတင်းထောက်တွေလာမယ်။ ဂျာနယ်သမားတွေလာမယ်။ ဓါတ်ပုံတွေရိုက်မယ်။ ဒါတွေကိုသူတို့မလိုလားဘူးလေ။

သူတို့(အစိုးရ)ကိုယ်တိုင်လည်း ထောက်ပံ့နိုင်တာမဟုတ်ပဲနဲ့ နိုင်ငံခြားအကူအညီတွေ ပေးတာကိုလည်း လက်မခံရဘူးဆိုတာတော့ ရက်စက်ရာ ကျလွန်းပါတယ်။

ကျနော် လမ်းမှာတာဝန်ကျရင် လူတွေကို တောင်းပန်ပါတယ်။ လူကြီးတွေလာရင် ခဏလောက်လမ်း ပေါ်ကဆင်းပေးပါ။ ပြီးရင် ပြန်တက်ကြပေါ့နော်။ ကျနော့်ကို သူတို့နားလည်ကြပါတယ်။ ခင်လည်းခင်ကြပါတယ်။

ကျနော် သူတို့ကို မေးကြည့်ပါတယ်။ နိုင်ငံခြားက အကူအညီပစ္စည်းတွေကို ဘာမှမရဖူးဘူး။ အစိုးရပေးတာလည်း ဘာမှမရဖူးဘူး။ ဟိုက ဒီက ပြည်သူတွေ အချင်းချင်း လာလှူတာတွေကိုပဲ စားသောက်ရတယ်လို့ ပြောပါတယ်။ ကျနော့်အမြင်ကတော့ ရောက်တာတော့ရှိတယ်။ ရွက်ဖျင်း ဆယ်ပေလောက် ပေးရမယ့်နေရာမှာ ငါးပေလောက်သာ ပေးပါတယ်။ နိုင်ငံခြားက လှူတဲ့ပစ္စည်းတွေဟူသမျှ ဂိုဒေါင်ထဲမှာ ထည့်ထားတယ်ခင်ဗျ။ အဲဒါတွေက လူကြီးတွေလာရင် ဒါတွေရှိတယ်ဆိုပြီး ပြဖို့ထားတယ်။ ပြီးတော့ ဒီပစ္စည်းတွေက တစ်ခါတည်း ဝေရမယ့်ဟာတွေလေ။ လူကြီးလာမှ ဝေတယ်ဆိုတော့ လူတွေက မိုးထဲလေထဲမှာ စောင့်နေရတော့တာပေါ့။

ဒေးဒရဲတံတားမှာ လုံခြုံရေး တွဲဘက်လုံခြုံရေး စောင့်ရတယ်။ အဲဒီအချိန်မှာ ကျနော်တို့ ဘာလုပ်ရလဲဆိုတော့ နိုင်ငံခြား သတင်းထောက်တွေလာတယ်။ အမေရိကန် ဘယ်နှစ်ယောက်လာတယ်။ နော်ဝေးက ဘယ်နှစ်ယောက်၊ သြစတြေးလျက ဘယ်နှစ်ယောက် လာတယ်။ အကုန်မေးရတယ်။ မှတ်ရတယ်။ ပြီးတော့ ခရိုင်ရုံးကို စါရင်းပို့ရတယ်ခင်ဗျ။ ကုန်ကုန်ပြောမယ်ဗျာ။ ရုပ်ရှင်မင်းသား ကိုကျော်သူတို့လာလှူရင်တောင် အက်စ်ဘီတို့ ထောက်လှမ်းရေးတို့ စရဖတို့ အကုန်လိုက်ရတယ်ခင်ဗျ၊ သူတို့ဘာလုပ်လဲ။ ဘာပြောလဲ အကုန်လုံးကို ကျနော်တို့က တင်ပြရတယ်ခင်ဗျ။ ကယ်မရာဆိုရင် လုံးဝရိုက်ခွင့် မပြုဘူး။ ရိုက်တာမြင်လို့ရှိရင် အော်ရမယ်၊ ဆဲရမယ်ဆိုပြီး ကျနော်တို့ကို အမိန့်ပေးထားတယ်ခင်ဗျ။

ဒေးဒရဲမြို့ပေါ်မှာ လေဘေးဒုက္ခသယ်စခန်း (၂)ခု ဖွင့်ထားတယ်ခင်ဗျ။ မြို့ပေါ်တံတားခြေရင်းမှာ တဲအလုံး(၂၀)ခင်ဗျ။ ကျုံဒါးမှာ အလုံး(၃၀)ခင်ဗျ။ တကယ့်တကယ် ဖြစ်နေတဲ့ ရွာတွေအများကြီးရှိတယ်။ ဒေးဒရဲမြို့နယ်ထဲက ရွာပျက်သွားတဲ့လူတွေ၊ ရေလွှမ်းသွားတဲ့လူတွေ၊ စက်လှေတွေနဲ့ မြို့ကိုတက်လာကြတယ်ခင်ဗျ။ ကျနော်လှေဆိပ်မှာ ကွမ်းယာစားရင်း မေးကြည့်တယ်ခင်ဗျ။ သူတို့ရွာတွေဘက်ကို ဘယ်ကအကူအညီမှ မရောက်ဘူးလို့ ပြောတယ်ခင်ဗျ။

နိုင်ငံခြားသားတွေ၊ ကုလသမဂ္ဂ အတွင်းရေးမှူးချုပ် မစ္စတာဘန်ကီမွန်းလာတယ်။ အဲဒီအခါမှာ ကျုံဒါးရယ်၊ ဒေးဒရဲရယ်၊ အဲဒီနှစ်နေရာပဲ လိုက်ပြတယ်ခင်ဗျ။ ကျန်တဲ့ ဖျာပုံတို့ အခြားနေရာတို့ကို ကျနော်သိသလောက်ဆိုရင် သွားခွင့်မပြုဘူးခင်ဗျ။ လုပ်ထားတဲ့နေရာကိုပဲ လိုက်ပြတယ်။ တကယ်ဖြစ်နေတဲ့ နေရာကျတော့ သူတို့ လိုက်မပြဘူး။ ကျနော်တို့ အစိုးရဟာ ပြည်သူတွေအပါအ၀င် ဘယ်သူ့ကို ဘယ်လို လိမ်ရမလဲဆိုတာကိုပဲ ကြံစည် စဉ်းစားနေတယ်နဲ့ တူတယ်ဗျ။

ကျနော် ဒုတိယအကြိမ် ၇လပိုင်း တာဝန်ပြန်ကျတဲ့အခါ ဒေးဒရဲမြို့ကိုပဲ တာဝန်ပြန်ကျတယ်ခင်ဗျ။ ဒေးဒရဲနဲ့ ဖျာပုံဆက်ထားတဲ့ လမ်းဘေးမှာ သာသနာ့ဗိမာန် ရှိတယ်ခင်ဗျ။ အဲဒီထဲမှာ နိုင်ငံခြားက လှူတဲ့ဆန်၊ မြန်မာနိုင်ငံက လူတွေလှူတဲ့ဆန်တွေရှိပါတယ်။ ကန်ထရိုက်ယူပြီး မိုးထားတဲ့လူတွေဟာ လူကြီး မြင်သာတဲ့ဖက်ကို မိုးထားပြီး ဖြစ်သလိုလုပ်ထားတော့ မိုးရွာတာနဲ့ မိုးတွေယိုတော့ ဆန်တွေ အစားအစာတွေ အကုန်ပုပ်ပွ ပျက်စီးကုန်တယ်ခင်ဗျ။ အဲဒါတွေကို လူကြီးလာရင်ပြဖို့အတွက် ကျနော်တို့ကို စောင့်ခိုင်းထားတယ်ခင်ဗျ။

နောက်တစ်ခုက ဒေးဒရဲ မယကနဲ့ အလက မျက်နှာချင်းဆိုင်မှာ လမ်းကြားလေးရှိတယ်။ ပြည်ရွှေဆံတော်၊ ဆယ်ထပ်ကြီးဘုရားပုံစံမျိုး ဘုရားပရ၀ုဏ်ထဲမှာ ဂိုဒေါင်ကြီးရှိတယ်။ အဲဒီအထဲမှာ စားသောက်စရာတွေအစုံ၊ ကြက်ဥ၊ ဘဲဥ၊ ကြက်သွန်၊ အာလူး၊ အထည်ဘေထုတ်တွေ၊ ကျနော်တို့ မမြင်ဖူးတဲ့ နိုင်ငံခြားပစ္စည်းတွေ အစုံလှောင်ထားတယ်။ အများကြီးပဲခင်ဗျ။ အ၀တ်အထည် အစားအစာ လိုချင်လို့လာတောင်းတဲ့လူတွေ လာပြီးအလှူခံလို့ရှိရင် ကျေးရွာက ထောက်ခံစာ ယူလာရတယ်။ အဲဒီရယကရုံးမှာ တပ်မ(၆၆)ဗျူဟာမှူး ကိုင်တယ်။ တပ်မမှူးတွေအပြင် ဗိုလ်တွေလည်းရှိတယ်။ ဆောက်လုပ်ရေးဝန်ကြီးလားမသိဘူး ရုံးလာထိုင်တယ်။ ဒီလူတွေ အပြောအရ ထောက်ခံစာတစ်စောင်ရဖို့ တန်းစီစောင့်ရတယ်လို့ ပြောပါတယ်။ မယကရုံးထဲမှာလည်း လျှပ်စစ်ပစ္စည်း (ခြင်ရိုက်ဘက်တံ)တို့ မုန့်အခြောက်တို့ ရှိတယ်။ ဒါ့အပြင်ကို သင်္ကန်းတွေ၊ သပိတ်တွေလည်းရှိပါတယ်။

အလှူပစ္စည်းတွေကို လိုချင်လို့ဘုန်းကြီးတွေ သီလရှင် ဆရာလေးတွေ လာရင်လည်း သာသနာမှတ်ပုံတင်ပြရမယ်။ လူတွေလာရင်လည်း မှတ်ပုံတင်၊ မိသားစု သန်းခေါင်စါရင်းကို ပြရမယ်ဆိုတော့ မုန်တိုင်းတိုက်တဲ့အထဲ ပါသွားတာ အဲဒီအထောက်အထားတွေ ဘယ်မှာ ရနိုင်တော့မလဲ။ တကယ့်တကယ်ကျတော့ တော်တော်ကြာ ဗိုလ်မှူးစားဖို့၊ တော်ကြာ ဗိုလ်ချုပ်စားဖို့ ဆိုင်ကယ်နဲ့ လာလာယူတာ။ ကျနော်က လုံခြုံရေး စောင့်နေခဲ့တာ မျက်မြင်ကိုယ်တွေ့ပဲ။ ကျနော်တို့ရှေ့မှာ အကောင်းဆုံးတွေကို စားတယ်။ သောက်တယ်။ ဗူးခွံတွေ ရှုပ်ပွနေတာပဲ။ တပ်ရင်းကို ပြန်မယ့်ကားရှိရင် အရာရှိ မိသားစုတွေအတွက်ဆိုပြီး နိုင်ငံခြားပစ္စည်းတွေကို ကားနဲ့လာယူတာ မမြင်ချင်အဆုံးပဲဗျ။

စားကုန်တွေ အကုန်လုံး ဒေးဒရဲမြို့ထဲမှာ ပြန်သွင်းကြတယ်။ နောက်ဆုံးကုန်ကုန်ပြောမယ် ယိုးဒယားကလာတဲ့ ဆားထုတ်တွေ၊ တရုတ်ကလာတဲ့ ဆားထုတ်တွေ၊ အကုန်လုံး ကျနော်တို့နေတဲ့မြို့အထိ ပျံ့နှံ့နေတော့ သူတို့ အကျင့်စရိုက်တွေကို ဈေးကွက်ကို ကြည့်ရင်သိနိုင်ပါတယ်။ ဂိုဒေါင်ထဲမှာ ကြက်ဥတွေ၊ ဘဲဥတွေ၊ ကြသွန်တွေပုပ်၊ အာလူးတွေ အပင်ပေါက်၊ ကျနော်မေးချင်တယ်၊ ဒါတွေကို ပြည်သူတွေကိုမဝေပဲ၊ လူကြီးတွေလာရင် ပြဖို့ပဲထားတာလား၊ ဒါပေမယ့် ကျနော်က ၀န်ထမ်းတစ်ယောက်ဆိုတော့ မေးပိုင်ခွင့်မရှိဘူး။ ဒီဘက်ကိုရောက်မှ ပြောရတော့တယ်။

မြို့ပေါ် ရပ်ကွက်တွေမှာတောင်မှ လူကြီးသွားမယ့် လမ်းကြောင်းမှာပဲ သွပ်တွေဝေတယ်။ ဒါတောင် လမ်းကကြည့်ရင် သွပ်တစ်ခြမ်းပဲမြင်ပြီး နောက်မှာတော့ တာလာပတ်မိုးထားတယ်။

ဘယ်လောက်သေလည်းဆိုတော့ ဒေသကလူတွေအပြောကိုထောက်ရင် တကယ်သိန်းချီ သေနိုင်ပါတယ်။ ဘာဖြစ်လို့လည်းဆိုတော့ ဒီဒေသက စီးပွားဖြစ်ထွန်းတဲ့ဒေသ လူနေ ထူထပ်တယ်ဆိုတော့ လူတွေအများကြီး လုပ်ကိုင်စားသောက်လို့ ရတယ်။ ရွာလုံးကျွတ် ပျောက်သွားတာတွေရှိတယ်။

ကျနော်တို့ကို ရေဒီယို နားထောင်ခွင့်ပေးပါတယ်။ ဘီဘီင်္စီတို့ ဘာတို့ပေါ့နော်။ ဒါပေမယ့် မင်းတို့မယုံနဲ့နော် သူတို့ မဟုတ်တာတွေ ပြောနေတာတဲ့။ မြန်မာ့အသံက ထုတ်လွှင့်တာတွေကို ကျနော်တို့ ရီချင်တာပေါ့ဗျာ။ ပြနေတာကတမျိုး၊ ဒီမှာဖြစ်နေတာနဲ့ တလွဲစီပဲ။ ကျနော်ဆိုရင်၊ နော်ဝေကလွှင့်တဲ့ ဒီမိုကရက်တစ် မြန်မာ့အသံကို အမြဲနားထောင်ပါတယ်။

နာဂစ်ဒေသမှာ ထူးထူးခြားခြားကိုပြောပါဆိုရင် ဂျူလိုင်လမှာပေါ့ဗျာ ဒေးဒရဲမြို့ထဲက ကလေးတစ်ယောက်ကို စစ်တပ်ထဲကို သွင်းမယ်ဆိုပြီး ပြည်အင်းမ(၆၆)တပ်ကို ခေါ်သွားပါတယ်။ ကလေးက (၁၃)နှစ် (၁၄)နှစ်ပဲ ရှိသေးတော့ သူ့အမေက လိုက်သွားတယ်။ ငိုပြီးတောင်းပန်တယ်ပေါ့။ စစ်တပ်က လူကြီးတွေက စစ်သားဖြစ်သွားပြီ ပြန်မပေးနိုင်ဘူးလို့ ပြောတော့ အဲဒီအဒေါ်က တိုင်မယ် တောမယ် လုပ်တော့မှ ပြန်ပေးလိုက်တာခင်ဗျ။ အဲဒါ ကျနော့်ကိုယ်တွေ့ပါ။ နောက်တစ်ခုက လှေတွေ လှူတယ်။ အိမ်တွေ လှူတယ်။ တီဗွီတွေမှာ လွှင့်တယ်။ မှတ်မှတ်ရရ ပြောချင်တယ်။

ကျနော် ဒေးဒရဲလမ်းမှာ ၀န်ကြီးချုပ် ဗိုလ်ချုပ်သိန်းစိန် လာတယ်ခင်ဗျ။ အဲဒီအချိန်မှာ ခရီးသွားပြည်သူတွေ ကားတွေကို ရပ်ပေးရတယ်ခင်ဗျ။ အဲဒီမှာကားပေါ်က ပိုက်လှေသူကြီးတစ်ယောက် ပြောပြပါတယ်။ လှေတစ်စီးကို (၃)သိန်းနဲ့ ၀ယ်ရမယ်။ အိမ်ဆိုလည်း (၃)သိန်းပေးရမယ်၊ (၆)သိန်းပေးရမယ်ဆိုပြီး စစ်ဗိုလ်တွေ လာပြောတယ်လို့ ဆိုပါတယ်။ ကျနော်က ပြောတယ် လှူတာမဟုတ်ဘူးလား၊ တီင်္ဗွီထဲမှာ လှူနေတာပဲလေဆိုတော့။ အလကားပါကွာ မင်းတို့ အစိုးရတွေ၊ မင်းတို့လည်း အတူတူပဲတဲ့။ ကျနော်တော်တော် စိတ်မကောင်းဖြစ်သွားပါတယ်။

နောက်တစ်ခုက ဒေးဒရဲမြို့နယ်က ရွာတစ်ရွာမှာ ချင်းလူမျိုး ဘုန်းကြီးတစ်ပါး။ ဘုန်းတော်ကြီး ကျောင်းပညာရေးကပါ။ စာသင်ပြပေးတဲ့ ကျောင်းတွေရော၊ ဘုန်းကြီးကျောင်းရော၊ အကုန် ပျက်စီးနေပါတယ်ခင်ဗျ။ အဲဒါ ကျောင်းပြန်ဆောက်ချင်လို့ မြို့ကိုတက်လာပြီး တိုင်းမှူး၊ တပ်မမှူး၊ ဗျူဟာမှူးတွေနဲ့ ပြန်ဆောက်ဖို့အတွက် အကူအညီပေးဖို့ စကားပြောပါတယ်။ သူတို့တွေက ဘာပြန်ပြောလဲဆိုတော့ အရှင်ဘုရား ရှေ့စီနီယာတွေ အများကြီးရှိပါတယ်။ အဲလိုပြောတယ်လို့ ကျနော်တို့ကို ပြန်ပြောပြပါတယ်။ အဲဒီဘုန်းကြီး နာမည်ဘွဲ့တော်က ဦးပညာသာမိပါ။ စစ်တပ်ဆီက ဘာမှ အကူအညီမရတဲ့အဆုံး ရွာကလူတွေနဲ့ သစ်တွေ ၀ါးတွေခုတ် ယာယီကျောင်းလေး ဆောက်ပြီး စာသင်နေရပါတယ်။

ကျနော်ကူညီချင်ပေမယ့် ကျနော်လုပ်ရတဲ့အလုပ်က အော်ရတယ်၊ ငေါက်ရတယ်၊ မောင်းထုတ်ရတယ်၊ မလာနဲ့၊ မကပ်နဲ့၊ ပြည်သူမုန်းအောင် လုပ်ရတဲ့ လူရမ်းကားအလုပ်ပါခင်ဗျ။

နောက်ကျနော်တစ်ခု ကြုံခဲ့တာ ရှိပါသေးတယ်။ နာဂစ်ဒေသအစုံကိုတော့ ကျနော်မရောက်ခဲ့ဘူးပေါ့နော်။ ဖျာပုံ ဒေးဒရဲနဲ့ ဒလလမ်းကြောင်းတစ်လျှောက်မှာ တာဝန်ကျခဲ့တာပါ။ ဒလဟိုဘက်ကမ်း ဒီဘက်ကမ်းတံတားပါ။ အဲဒီတံတားခြေရင်းမှာ တာဝန်ကျတော့ အမျိုးသမီးကြီး တစ်ယောက်က သားလေး ထမင်းစားပြီးပြီလားလို့ မေးပါတယ်။ လာစားဖို့ခေါ်ပါတယ်။ ကျနော်တို့ ရဲသင်တန်းမှာ စားခဲ့ရတာထက် ဆိုးတာပေါ့။ ထမင်းဆို ၀ါထိန် နေပါတယ်။ ကျနော်က အကြီး ဆန်အလှူတွေ မရဘူးလားဆိုတော့ မရဘူးတဲ့ ရေမြုပ်သွားတဲ့ ဆန်တွေကို နေလှန်းပြီး ဒီလိုပဲ နေ့တိုင်းစားနေရတာပဲတဲ့။ ဆီဆိုတာလည်း မဖြစ်စလောက်ပဲတဲ့၊ ဒါလေးနဲ့ မင်းမျှတပြီး စားသွားပေါ့တဲ့။ ကျနော်စားခဲ့ရပါတယ်။

ဒေးဒရဲတံတားပေါ်မှာ ဘာကြုံခဲ့လဲဆိုတော့ ကျနော်ခွဲခြားပြောတာတော့ မဟုတ်ဘူး။ ညဘက်ဆိုရင် မကောင်းတာလုပ်စားတဲ့ မိန်းမပျက်တွေ တံတားပေါ်ကို တက်လာတယ်။ စစ်သားတွေနဲ့ အိပ်ကြတယ်။ တံတားအောက်မှာဆိုလည်း ဒီအတိုင်းပဲဗျ။

ဒုက္ခသယ်တွေထဲက အဲလိုပုံစံမျိုး ဖြစ်သွားတယ်လို့တော့ ကျနော် မကြားမိခဲ့ဘူး။ နဂိုရှိပြီးသားတွေပါ။ ကျနော်တို့ ရဲတပ်ဖွဲ့နဲ့ စစ်သားပြိုင်ပြီးတော့ လူထုနဲ့ ပေါင်းသင်း ဆက်ဆံတဲ့နေရာမှာ ကျနော်တို့လောက် သူတို့မယဉ်ကျေးဘူးခင်ဗျ။

ဒေးဒရဲ တံတားရဲ့ဘေး၊ မယကရုံးရဲ့ အနောက်မှာ အစိုးရက အိမ်တွေဆောက်ပေးပါတယ်။ အဲဒီအိမ်တွေမှာ ပိုက်ဆံပေးနိုင်တဲ့လူတွေပဲ နေရပါတယ်။ ငွေမတတ်နိုင်တဲ့ လူတွေကတော့ ကျနော်ပြန်လာတဲ့အထိ တဲအိမ်လေးဆောက်ပြီး ဖြစ်သလို နေကြရတယ်ခင်ဗျ။

ကျနော်တို့ ဒေးဒရဲတံတားမှာ စောင်ရတဲ့အခါ အလှူပစ္စည်းတွေ လာပို့တဲ့လူတွေ အကုန်လုံးကို ကျနော်တို့က မေးမြန်းစစ်ဆေးရပါတယ်ခင်ဗျ။ စစ်သားတွေနဲ့ အတူပေါ့လေ။ ဘယ်ကိုသွားမလဲ၊ ဘာတွေလှူမလဲ၊ ဘယ်ကလာသလဲ၊ မှတ်ရပါတယ်။ အဲနောက်ကျတော့ အဲလိုမဟုတ်တော့ဘူးခင်ဗျ။ ကိုယ်တိုင် ကိုယ်ကျ သွားလှူခွင့် မပြုတော့ဘူး။ လှူမယ့်ပစ္စည်းကို မယကရုံးမှာ ထားခဲ့ရတယ်ခင်ဗျ။ လူတွေက ကြုံတွေ့ရတာတွေကို မီဒီယာတွေကို ပြောပြမယ်။ လူတွေကို ပြောပြမယ်ဆိုတော့ သူတို့မဟုတ်တာ လုပ်နေတာတွေ ဗူးပေါ်သလို ပေါ်မှာစိုးတယ်လို့ ကျနော်ယူဆတယ်ခင်ဗျ။

အလှူရှင်တွေဟာ အစပိုင်းကာလတွေကဆိုရင် ကျနော်တို့ကို ပါဝင်ပြီးတော့ ၀င်လှူဖို့ အကူအညီတောင်းကြပါတယ်။ မြန်မြန်ပြီးအောင်ပေါ့နော်၊ ပြီးတော့ မြန်မာတွေဆိုတာ မိမိရဲ့ အလှူပစ္စည်းတွေကို ကိုယ်တိုင်ကိုယ်ကျ လှူမှ စိတ်ကြည်နူးတတ်ကြတာလေ။ နောက်ပိုင်းမှာ ကိုယ်တိုင် လှူခွင့်မရတော့ပဲ မယကရုံးမှာပဲ၊ ပါသမျှ အလှူပစ္စည်းတွေက်ို ထားပစ်ခဲ့ရတယ်ဆိုတော့ ဘယ်လှူချင်တော့မလဲ။ ဘာသာရေးအရပဲကြည့်ကြည့်၊ လူမျိုးရေးအရပဲကြည့်ကြည့် အလှူရှင်တွေဟာ လုံးဝမကျေနပ်ကြတော့ဘူးခင်ဗျ။

နောက်ဆုံးအနေနဲ့တော့ဗျာ စစ်သားတွေက ကျနော်တို့ကိုခေါ်ပြီး လူမုန်းခံခိုင်းတာပါပဲ။ ကျနော်တို့က ငိုနေတဲ့လူတွေကို အငိုတိတ်အောင်၊ ငတ်နေသူကို ၀အောင် သွားကျွေး၊ နေစရာမရှိသူကို ရှိအောင် ၀ိုင်းဝန်း ကူညီပေးရတာမဟုတ်ပဲ၊ ဟိုလိုမလုပ်နဲ့ ဖယ်ပေး၊ ဆင်းပေး၊ ပြန်၊ နင်ပဲငဆ အော်၊ ဆဲ၊ ငေါက် တကယ်တော့ လူမိုက် သွားလုပ်ရသလိုပါဗျာ။ နိုင်ငံတကာက ပေးပို့ လှူဒါန်းကြတာတွေကို ရောင်းပြီး စီးပွား ဖြစ်းသွားကြတာက တပ်မ(၆၆)အင်းမက အရာရှိတွေနဲ့ ကျနော်တို့မြို့နယ်က အရာရှိကြီးတွေ ဇိမ်ခံ ပစ္စည်းကောင်းကောင်း သုံးလိုက်ကြရတာပဲ။ ပြည်တွင်းမှာ အမှန်အကန် ဖြစ်နေတာတွေကို ပြည်ပက ရေဒီယိုတွေ အကုန်မသိကြဘူးဗျ။ ။

(ရဲတပ်ဖွဲ့၏ အကျင့်ပျက် လာဘ်စားခြစားမှုများကို ကြုံကြိုက်ပါက ဆက်လက်ပြီး ရေးသားတင်ပြ သွားပါမည်။)

ကျော်သောင်း

A

B

C

The Kitchen မီးဖိုချောင်