Friday, February 27, 2009

အိုဘားမားနှင့် မြန်မာပြည်


အိုဘားမားနှင့် မြန်မာပြည်
အောင်ဇော် Friday, 27 February 2009 18:35
မြန်မာပြည်သူများက သူတို့၏ ဒီမိုကရေစီအရေးအတွက် ဝါရှင်တန်အစိုးရကို မျှော်လင့်အားကိုးလျက် ရှိနေကြသည်။

ဘရက် အိုဘားမားက အမေရိကန်ပြည်ထောင်စု၏ သမ္မတရာထူးဟူသည့် ဧရာမတာဝန်ကို စတင် ယူရချိန်တွင် အကြပ်အတည်း ပဋိပက္ခများ ပြည့်နှက်နေပြီး နိုင်ငံရေးအရ တိုးတက်မှုများ မမြင်ရသလောက်ရှိနေသည့် မြန်မာနိုင်ငံမှ အဖိနှိပ်ခံ ပြည်သူများက သူ့ကို အားကိုးမျှော်လင့်နေကြသည်။ သမ္မတသစ်၏ မူဝါဒများက ယခင် သမ္မတများ၏ မူဝါဒများနှင့် မည်သို့ ခြားနားလိမ့်မည်ကို သိချင်နေကြသည်။

တရုတ်၊ အိန္ဒိယ၊ ရုရှား သို့မဟုတ် တခြားသော ဥရောပသမဂ္ဂ၀င်နိုင်ငံများ၊ အာဆီယံအဖွဲ့ ၀င်နိုင်ငံများ၏ အစိုးရများထံမှ အလားတူ မျှော်လင့်အားကိုးခြင်း မရှိသော်လည်း မြန်မာနိုင်ငံနှင့် မိုင်ထောင်ချီကွာဝေး သည့် အမေရိကန်ပြည်ထောင်စု အစိုးရထံမှ ဒီမိုကရေစီ အပြောင်းအလဲအတွက် နိုင်ငံရေးအရ ထောက်ခံပံ့ပိုးမှု တခုခုကို ရရန် မျှော်လင့်နေကြခြင်းဖြစ်သည်။

သို့သော် မေးခွန်းက ကျန်နေပါသေးသည်။ သမ္မတသစ်အိုဘားမား၏ အုပ်ချုပ်ရေးကာလတွင် မြန်မာနိုင်ငံဆိုင်ရာ မူဝါဒများမှာ လူကြားကောင်းရုံ ပြောနေရုံမဟုတ်ဘဲ ရလဒ်အတိအကျ ထွက်ပေါ်လာရေးကို တောင်းဆိုသည့် မူဝါဒ ဖြစ်လာနိုင်မလား၊ ပို၍အရေးကြီးသည်မှာ အုပ်ချုပ်ရေးသစ်၏ မူဝါဒများသည် ယခင်သမ္မတ ဘုရှ် ကျင့်သုံးခဲ့သည့် မူဝါဒများနှင့် ကွာခြားလာမလား ဆိုသည့် မေးခွန်းများ ဖြစ်ပါသည်။ ယခင်သမ္မတဘုရ်ှက မြန်မာ့အရေးအပေါ် ခိုင်ခိုင်မာမာ ထောက်ခံမှု ပြသခဲ့သည့်အပေါ် မြန်မာပြည်တွင်း ပြည်ပမှ လူအများက လှိုက်လှိုက်လှဲလှဲထောက်ခံ အားပေးခဲ့ကြသည်။

အိုဘားမားကလည်း မြန်မာပြည်အရေးအတွက် အစိမ်းသက်သက်တော့ မဟုတ်ပါ။ လွန်ခဲ့သည့်နှစ်က ထိန်းသိမ်း ခံထားရသည့် ဒီမိုကရေစီခေါင်းဆောင် ဒေါ်အောင်ဆန်းစုကြည်၏ ၆၃ နှစ်မြောက် မွေးနေ့ အခမ်းအနား ကျင်းပခဲ့စဉ် အထက်လွှတ်တော်အမတ်ဖြစ်နေသည့် အိုဘားမားက “သူ၏ နိုင်ငံထဲတွင် ဆက်လက်ဖြစ်ပေါ်နေသည့် ကြေကွဲဖွယ်ရာ အခြေအနေကို ကမ္ဘာ့မိသားစုသို့ သတိပေးနိုင်သည့် အခွင့်အလမ်းတခုပင် ဖြစ်သည်။ တချိန်တည်းတွင် အပြောင်းအလဲများ ဖြစ်ပေါ်စေရေးအတွက် ဖိအားပေးကြရန် မိမိတို့ကိုလည်း သတိပေးနေသည်” ဟု ပြောဆိုခဲ့သည်။

ဤပြောဆိုချက်များက ကြား၍ကောင်းပါသည်။ သို့သော်လည်း အမှန်တွင်မူ မြန်မာနိုင်ငံအရေးသည် သမ္မတသစ်အိုဘားမား၏ ဦးစားပေးကိစ္စများထဲ၌ မပါဝင်ပါ။ သူ အရေးပေါ်ဆောင်ရွက်ရမည့် ကိစ္စအမြောက်အများထဲတွင် ဆိုးရွားယိုယွင်းလာနေသည့် ပြည်တွင်းစီးပွားရေးကပ်ကို အရင်ဆုံး ဆောင်ရွက်ရမည်ဖြစ်ပြီး သံတမန်ရေးကိစ္စများတွင်လည်း အီရတ်၊ အာဖဂန် နစ္စတန်၊ ပါကစ္စတန်၊ မြောက်ကိုရီးယား၊ ဒါဖောနှင့် ဇင်ဘာဘွေနိုင်ငံများအရေးက ရှေ့တန်းတွင်ရှိနေကာ မြန်မာ့အရေးက နောက်တန်း ရောက်နေသည်။

ဝါရှင်တန် အခြေစိုက် မြန်မာ့အရေး လှုပ်ရှားဆောင်ရွက်သူများအဖွဲ့ ခေါင်းဆောင် ကိုအောင်ဒင်က “အိုဘားမားအနေနှင့် တခြားတောင်းဆိုချက်များကြောင့် အလုပ်များနေသော်လည်း မိမိတို့ကမူ မြန်မာပြည်သူများ အရေးနှင့် ပတ်သက်၍ ကွန်ဂရက်လွှတ်တော်မှတဆင့် သတိပေးတိုက်တွန်းသွားမည်”ဟု ပြောဆိုခဲ့သည်။

ကိုအောင်ဒင်က အကောင်းဘက်မှ ရှုမြင်ရာ၌ “ကျနော်တို့အနေနဲ့ အခုအချိန်အထိ ပါတီနှစ်ခုလုံးကနေ ခိုင်ခိုင်မာမာ ထောက်ခံမှုတွေ ရနေပါတယ်။ အထက်လွှတ်တော်မှာရော၊ အောက်လွှတ်တော်မှာပါ ထောက်ခံမှု ရှိပါတယ်။ ကျနော် ယုံကြည်တာကတော့ ကွန်ဂရက်အနေနဲ့ မြန်မာပြည်အရေးကို သမ္မတအိုဘားမားရဲ့ နိုင်ငံခြားရေးမူဝါဒတွေထဲမှာ ဦးစားပေးဆောင်ရွက်ရမယ့် ကိစ္စတွေထဲ ပါလာအောင် အနှေးနဲ့အမြန် တိုက်တွန်းနိုင်လိမ့်မယ်လို့ ထင်ပါတယ်” ဟု ဆိုခဲ့သည်။

သမ္မတသစ် အိုဘားမား၏ အုပ်ချုပ်ရေးအဖွဲ့အနေနှင့် မြန်မာနိုင်ငံအရေးနှင့် ပတ်သက်၍ ယခင်သမ္မတဘုရ်ှက ချမှတ် ဆောင်ရွက်ခဲ့သည့် ခိုင်မာစွာ ရပ်တည်ထောက်ခံပေးရေးမူဝါဒ အတော်များများကို အမွေဆက်ခံ ရယူနိုင်လိမ့်မည်ဟု မျှော်လင့်ဖွယ် ရှိပါသည်။ တက်ကြွလှုပ်ရှားသူများ အနေနှင့်လည်း မြန်မာနိုင်ငံအရေးအပေါ် အလေးထားလာစေရန် ဆွဲဆောင်နိုင်ကြလိမ့်မည်ဟု မျှော်လင့်ထားဖွယ် ရှိနေသည်။

မြန်မာနိုင်ငံက အမေရိကန် သတင်းမီဒီယာများ၏ အာရုံထားမှုကို ခံနေရဆဲ ဖြစ်သည်။ သြဇာကြီးသတင်းစာတစောင် ဖြစ် သည့် ၀ါရှင်တန်ပို့စ်က မြန်မာနိုင်ငံအရေးနှင့် ပတ်သက်၍ ခေါင်းကြီးပိုင်းတွင် အကြိမ်ကြိမ်ဖော်ပြခဲ့ပြီး အိုဘားမား သမ္မတ အဖြစ် အောင်ပွဲခံပြီးနောက်ပိုင်းတွင်ပင် ထပ်၍ ရေးသားဖော်ပြခဲ့ကြသည်။

“တောင်အာဖရိကနိုင်ငံလိုပဲ မြန်မာပြည်သူတွေကလည်း သူတို့ဖိနှိပ်အုပ်ချုပ်ခံနေခဲ့ရတဲ့ နှစ်တွေအတွင်းမှာ ဘယ်သူက သူတို့နဲ့အတူ ရပ်တည်ပေးခဲ့တယ်၊ ဘယ်သူက ဖိနှိပ်သူတွေနဲ့အတူ ရပ်တည်ပေးခဲ့တယ် ဆိုတာကို သတိရနေမှာပါ” ဟု သတင်းစာက ရေးသားဖော်ပြခဲ့သည်။

“အသားအရောင်ခွဲခြားဖိနှိပ်မှုအပေါ် အမေရိကန်ပြည်ထောင်စု၏ ရပ်တည်ချက် အရွေ့ကို ကမ္ဘာကစောင့်ကြည့် တိုင်းတာနေကြသလို၊ မြန်မာနိုင်ငံ ဒီမိုကရေစီအရေးအပေါ် အမေရိကန်အုပ်ချုပ်ရေးသစ်၏ ရပ်တည်ချက်နှင့် နောက်ပိုင်း လုပ်ဆောင်မှုများကိုလည်း စောင့်ကြည့် တိုင်းတာနေကြမည်” ဟု သတိပေးခဲ့သည်။

ဒီဇင်ဘာလတွင် ယခင်နိုင်ငံခြားရေးဝန်ကြီး တာဝန်ယူခဲ့ဖူးသူ၊ အမျိုးသား ဒီမိုကရေစီ အင်စတီကျု (NDI)၏ ဦးဆောင် ဥက္ကဋ္ဌ အမျိုးသမီးဖြစ်သူ မစ္စ မက်ဒလင်း ကေ အောဘရိုက်ကလည်း မြန်မာ့အရေးကို တစိုက်မတ်မတ် ရပ်တည် ထောက်ခံ ပေးခဲ့သူ ဘုန်းတော်ကြီး ဒက်စမွန်တူးတူးနှင့် အမျိုးသမီးများအဖွဲ့ချုပ် (မြန်မာနိုင်ငံ)ကို လူ့အခွင့်အရေးဆုများ ချီးမြှင့် အပ်နှင်း ပေးခဲ့သေးသည်။

မစ္စ အောဘရိုက်က မြန်မာနိုင်ငံသို့ ၁၉၉၅ ခုနှစ်တွင် အမေရိကန်ပြည်ထောင်စု၏ ကုလသမဂ္ဂ သံအမတ်ကြီး တာဝန်ထမ်းဆောင်ရစဉ်၌ သွားရောက်လည်ပတ်ခဲ့ပြီး အတိုက်အခံခေါင်းဆောင် ဒေါ်အောင်ဆန်းစုကြည်နှင့်လည်း ရန်ကုန်တွင် တွေ့ဆုံ ခဲ့သည်။ သူ့မတိုင်မီကလည်း အမေရိကန်ပြည်ထောင်စု အောက်လွှတ်တော်အမတ် ဘီလ် ရစ်ချတ်ဆင်က ဒေါ်အောင်ဆန်း စုကြည်ထံ လာရောက်တွေ့ဆုံဖူးသေးသည်။

မြန်မာအတိုက်အခံများက သမ္မတကလင်တန်အုပ်ချုပ်ရေး ကာလ၊ ၁၉၉၇ ခုနှစ်၌ မြန်မာစစ်အစိုးရနှင့် ပတ်သက်သည့် ပိတ်ဆို့အရေးယူမှုများ စတင်လာခဲ့သည်ကိုလည်း အမှတ်ရနေကြသေးသည်။ သမ္မတ ကလင်တန်မှာ ဒေါ်အောင်ဆန်း စုကြည်ကို သမ္မတ၏ အမြင့်ဆုံးဆု ချီးမြှင့်ပေးခဲ့ဖူးသည်။

အမေရိကန် ပြည်ထောင်စု၏ ကွန်ဂရက်လွှတ်တော်ထဲ၌ သြဇာတိက္ကမကြီးမားသည့် မိတ်ဆွေများလည်း ရှိနေပါသေးသည်။ ထိုသူများက သမ္မတဘုရ်ှနှင့် ၎င်း၏ဇနီး လော်ရာဘုရ်ှတို့ အိမ်ဖြူတော်တွင် တာဝန်ယူစဉ် ကာလအတွင်း မြန်မာ့အရေးကို ကိုယ်တိုင်ကိုယ်ကျ ထဲထဲဝင်ဝင်ဆောင်ရွက်ခဲ့မှုများအား မေ့ပစ်ကြမည် မဟုတ်ပါ။

ကိုအောင်ဒင်က “သူ့အုပ်ချုပ်ရေးကာလ နောက်ဆုံးရက်တွေမှာတောင် သမ္မတဘုရ်ှနဲ့ သူ့ဇနီးတို့က မြန်မာနိုင်ငံ အရေးကို နိုင်ငံတကာမှာ ပိုပြီးသတိထားမိလာအောင်၊ ရှေ့တန်းရောက်လာအောင် တကြိမ်မက လုပ်ပေးခဲ့ကြတယ်။ နောက်လာမယ့် အုပ်ချုပ်ရေးအတွက်လည်း နမူနာကောင်းထားခဲ့တယ်။ သူတို့ကျေးဇူးတွေ ကျနော်တို့အပေါ်မှာ များပါတယ်” ဟု ဆိုသည်။

သူ့အနေနှင့် “အကြမ်းဖက်မှု ဆန့်ကျင်ရေးစစ်ပွဲ”နှင့် အလုပ်များနေပြီး ပြည်တွင်း ပြည်ပတွင်၊ အထူးသဖြင့် အီရတ်ကို ကျူးကျော် တိုက်ခိုက်ခဲ့မှု အပါအ၀င် တခြားသော သူ၏နိုင်ငံခြားရေး မူဝါဒများအပေါ် အပြင်းအထန် ပြစ်တင်ဝေဖန် ခံနေရသော်လည်း မြန်မာလူမျိုးအများစုကမူ သမ္မတဘုရ်ှကို လေးစားထောက်ခံခဲ့ကြသည်။ ဖိနှိပ်အုပ်ချုပ်နေသည့် မြန်မာစစ်အစိုးရကို ပြင်းပြင်းထန်ထန် ဆန့်ကျင်ရပ်တည်ပေးခဲ့သည့် သူ၏ ရပ်တည်ချက်အတွက် လေးစားကြခြင်း ဖြစ်သည်။

ရှုပ်ထွေးပွေလီလှသည့် ပြဿနာများကို အဖြူနှင့် အမည်းအဖြစ်သာ လွယ်လွယ်ခွဲခြားကြည့်တတ်သည့်အပေါ် သမ္မတဘုရ်ှကို လူအများက မှားသည်ဟု မကြာခဏဆိုသလို ပြစ်တင်ဝေဖန်လေ့ရှိသည်။ သူ၏ နိုင်ငံရေးအယူအဆကို အီရတ်တွင် အတင်းအကျပ်သွတ်သွင်း ကျင့်သုံးရန် ကြိုးပမ်းမှုကြောင့် ပြစ်တင်ကြသော်လည်း၊ မြန်မာအရေးကိစ္စ၌မူ လူအနည်းငယ်မျှသာ အလားတူ ဝေဖန်မှုမျိုး ရှိကြပါသည်။ သူက မူအတိုင်း အခိုင်အမာရပ်တည်ခဲ့သလို၊ လက်တွေ့တွင်လည်း တစိုက်မတ်မတ် ခိုင်ကျည်စွာ ရပ်တည်ပေးခဲ့သည်။ သမ္မတဘုရ်ှကိုဝေဖန်ပြစ်တင်ခဲ့ကြသူများပင်လျှင် မြန်မာနိုင်ငံ ကောင်းရာကောင်းကျိုးအတွက် ဇနီးသည်နှင့်အတူ လုပ်ဆောင်ပေးခဲ့ကြသည်ကို မသက်မသာဖြင့် ၀န်ခံခဲ့ကြရသည်။

သမ္မတဘုရ်ှက ၂၀၀၅ ခုနှစ်တွင် လူ့အခွင့်အရေးလှုပ်ရှားသူ ရှမ်းအမျိုးသမီး နန်းချန်တောင်းကို အိမ်ဖြူတော်သို့ ဖိတ်ကြား၍ တွေ့ဆုံခဲ့သေးသည်။ သမ္မတကတော် လော်ရာဘုရ်ှကလည်း ၀ါရှင်တန်နှင့် နယူးယောက်တွင် မကြာခဏဆိုသလို မြန်မာ အတိုက်အခံ လှုပ်ရှားနေသူများနှင့် တွေ့ဆုံခဲ့သည်။ အခွင့်ရလျှင်ရသလို သူက မြန်မာနိုင်ငံအရေးကို စိတ်အားထက် သန်စွာ ပြောဆိုဆွေးနွေးခဲ့ပြီး အိမ်ဖြူတော်တွင်လည်း မြန်မာ့အရေးကိစ္စကို ရှေ့တန်းရောက်လာအောင် ပြောဆိုတိုက်တွန်း ပေးခဲ့သည်။

စစ်အစိုးရက ၂၀၀၇ ခုနှစ်တွင် ဆန္ဒပြပွဲများကို အကြမ်းဖက်နှိမ်နင်းချေမှုန်းသည့်အခါ သမ္မတကတော်က ကုလသမဂ္ဂ အထွေထွေ အတွင်းရေးမှုးချုပ် ဘန်ကီမွန်းကို ဖုန်းခေါ်၍ အခြေအနေကို စိုးရိမ်ပူပန်စွာ ဆွေးနွေးလာခဲ့သည်။ ဤအဖြစ်မျိုးက ကမ္ဘာ့ထိပ်သီးနိုင်ငံကြီး၏ သမ္မတကတော်များတွင် ရှားရှားပါးပါး တွေရခြင်း ဖြစ်သည်။ သူက ဗိုလ်ချုပ်မှူးကြီး သန်းရွှေ ဆင်းပေးရန်ပင် စိန်ခေါ်ပြောဆိုခဲ့သေးသည်။ ယခုအခါ တာဝန်ရှိသမ္မတကတော် မဟုတ်တော့သော်လည်း မစ္စလော်ရာဘုရ်ှက မြန်မာ့အရေး အလျှော့ပေးလိမ့်မည် မထင်ပါ။ ဆက်၍ မြန်မာ့အရေး ကြိုးပမ်းလုပ်ဆောင်ပေးနေဦးမည် ဖြစ်သည်။

၂၀၀၈ ခုနှစ်၊ သမ္မတဘုရ်ှနှင့် ဇနီးတို့ ထိုင်းနိုင်ငံ အလည်အပတ်ခရီးတွင် သမ္မတက ထင်ရှားသည့် မြန်မာအတိုက်အခံ ခေါင်းဆောင်များနှင့် ကိုယ်တိုင်ကိုယ်ကျ တွေ့ဆုံခဲ့သေးသလို သမ္မတကတော် လော်ရာဘုရ်ှက မြန်မာနယ်စပ်သို့ သွားရောက်၍ ဒုက္ခသည်များနှင့် လူသားချင်းစာနာမှု ကပ်ဘေး ကယ်ဆယ်ရေး ၀န်ထမ်းများနှင့် တွေ့ဆုံခဲ့သည်။ ထိုမျှမက မကြာသေးမီက မြန်မာ ရဟန်းတော်တပါးနှင့် ဘလော့ရေးသူတဦးတို့ကိုလည်း တွေ့ဆုံခဲ့သည်။

အမေရိကန်ပြည်ထောင်စု အခြေစိုက် ပညာရှင်တဦးလည်းဖြစ်၊ ဧရာဝတီမဂ္ဂဇင်း၏ ပင်တိုင်ဆောင်းပါးရှင် တဦးလည်း ဖြစ်သည့် ကိုမင်းဇင်က မြန်မာပြည်သူများအနေနှင့် သမ္မတဘုရ်ှနှင့် သူ၏ဇနီးထံမှ ထောက်ခံပံ့ပိုးမှု ရရှိသည်မှာ အလွန် ကံကောင်းလှသည်ဟု ပြောပါသည်။ သူတို့ကြောင့် မြန်မာနိုင်ငံ၏ အရေးကို ထိပ်တန်းနိုင်ငံရေး ခေါင်းစဉ်တခု အဖြစ်သို့ ရောက်ရှိစေခဲ့သည်ဟု ပြောသည်။

“ကြည့်ရတာ ဒီပြဿနာအပေါ် ပုဂ္ဂိုလ်ရေးအရကို အလေးထားပုံရတယ်” ဟု သူကပြောသည်။ သမ္မတဘုရှ် အစိုးရအနေနှင့် ပြုခဲ့သည့် တခုတည်းသောအမှားမှာ မြန်မာနိုင်ငံ၏အရေးကို ကုလသမဂ္ဂ လုံခြုံရေးကောင်စီတွင် ဆွေးနွေးရန် တင်ပြခဲ့မှု ဖြစ်သည်ဟု သူကဆိုပါသည်။ အမေရိကန်ပြည်ထောင်စုက ကမကထပြု တင်ပြသည့် ဆုံးဖြတ်ချက်များကို တရုတ်နှင့် ရုရှားနိုင်ငံတို့က ဗီတိုအာဏာဖြင့် ပယ်ချခဲ့ကြသည်။ မြန်မာနိုင်ငံအရေးကို ကုလသမဂ္ဂ လုံခြုံရေးကောင်စီရှေ့မှောက် တင်ပြဆွေးနွေး စေခဲ့သည့် ကြိုးပမ်းမှုသည် “ဆက်လက်ထိန်းသိမ်းထားနိုင်တဲ့ ခြိမ်းခြောက်မှုတခုအနေနဲ့ပဲ ရှိနေသေးတယ်” ဟု ကိုမင်းဇင်က သုံးသပ်သည်။

သမ္မတဘုရ်ှကို ပြစ်တင်ဝေဖန်နေကြသူများက တွေးတောကြသည်မှာ သူ၏ အဆုံးအရှုံးများလှသော အီရတ်ကျူးကျော်ရေး စွန့်စားမှုကြောင့် ကျန်အနောက်နိုင်ငံများကပင် မြန်မာနိုင်ငံအရေးတွင် အမေရိကန်အစိုးရ မူဝါဒများနှင့် ဆန့်ကျင်ရပ်တည်စေရန် ဖြစ်လာသည်ဟု ဆိုကြပါသည်။ သူတို့က အမေရိကန် နိုင်ငံ၊ နိုင်ငံခြားရေးမူဝါဒ၏ ဦးတည်ချက်များနှင့် ကမ္ဘာအနှံ့ တဖြည်းဖြည်း ကြီးထွားလာနေသည့် အမေရိကန် ဆန့်ကျင်ရေးစိတ်ဓာတ် အခြေအနေကို စိုးရိမ်နေကြသည်။

မည်သို့ဆိုစေ မြန်မာနိုင်ငံပြင်ပတွင် နေထိုင်ကြသူ မြန်မာလူမျိုးများအဖို့ ရီပတ်ဘလစ်ကင် အစိုးရ အုပ်ချုပ်ရေးအပေါ် နှစ်လိုသည့်သဘောထား ရှိကြပါသည်။ အကြောင်းမှာ ရီပတ်ဘလစ်ကင်များက မြန်မာနိုင်ငံဆိုင်ရာမူများတွင် တင်းမာသည့်သဘောထား ချမှတ်ကျင့်သုံးမည်မှာ သေချာသောကြောင့် ဖြစ်သည်။ ၀ါရှင်တန်ရှိ လေ့လာသုံးသပ်သူများက သမ္မတသစ် အိုဘားမား အိမ်ဖြူတော် ရောက်လာသည့်အတွက် မြန်မာများအဖို့ စိုးရိမ်ဖွယ်အခြေအနေ သိပ်မရှိဟု ပြောဆိုကြသော်လည်း သူတို့တွင် တခြားခြွင်းချက်ကိစ္စများ ရှိလာနိုင်ပါသည်။

အိုဘားမား၏ ဒုသမ္မတ ဂျိုးဆက်ဖ် အာရ် ဘိုင်ဒင် ကလည်း မြန်မာပြည်အရေးအတွက် လူစိမ်းတဦး မဟုတ်ပါ။ သူက အထက်ဆီးနိတ် လွှတ်တော်၏ နိုင်ငံခြားဆက်ဆံရေးကော်မတီ ဥက္ကဋ္ဌတာဝန်ယူစဉ်ကာလ၌ မြန်မာနိုင်ငံအရေးနှင့် ပတ်သက်သည့် အမေရိကန်အစိုးရ၏ မူဝါဒများကို ချမှတ်ရာ၌ အရေးပါသည့် ကဏ္ဍက တာဝန်ယူ ဆောင်ရွက်ခဲ့ရသူ တဦး ဖြစ်သည်။

ဘိုင်ဒင်သည် တွမ်လန်းတော့စ် ဦးဆောင်တင်သွင်းခဲ့သည့် မြန်မာနိုင်ငံမှ ကျောက်စိမ်းများ ပိတ်ဆို့ရေးဥပဒေ (စစ်အစိုးရ၏ ဒီမိုကရေစီဆန့်ကျင်ရေး ကြိုးပမ်းမှုများ)၂၀၀၈ကို အဓိကဦးဆောင်ခဲ့ပြီး နောက်ဆုံး သမ္မတဘုရ်ှက ၂၀၀၈ ခုနှစ်၊ ဇူလိုင်လ ၂၉ရက်နေ့တွင် အတည်ပြုလက်မှတ်ရေးထိုးခဲ့ခြင်း ဖြစ်သည်။ ဤဥပဒေက ၂၀၀၇ ခုနှစ်တွင် ပြဌာန်းခဲ့သည့် မြန်မာနိုင်ငံမှ ကျောက်မျက်များ တင်ပို့မှုကို ကန့်သတ်သည့် ဥပဒေနှင့် သတ္တုတူးဖော်ရေး စီမံချက်များကို ပိတ်ဆို့အရေးယူမှု ပြုသည့် ဥပဒေတို့ကို ပိုမိုတင်းကျပ်စွာ ထပ်မံ အသစ်ပြင် ပြဌာန်းခဲ့ခြင်းဖြစ်သည်။

ဘိုင်ဒင်က ဥပဒေပြုရန် တင်ပြရာတွင် “မြန်မာပြည်သူများ၏ လူ့အခွင့်အရေးကိစ္စအတွက် အားမလျှော့တမ်း ကြိုးပမ်းခဲ့သူ ဖြစ်တဲ့ ကျနော့် အရင်းနှီးဆုံး မိတ်ဆွေကြီး တွမ်လန်းတော့စ်ကို ဂုဏ်ပြုတဲ့အနေနဲ့ တင်ပြပါတယ်” ဟု ထည့်သွင်း ပြောကြားခဲ့သည်။

ဘိုင်ဒင်က ဆက်လက်၍ “ကျနော်တို့အနေနဲ့ တွမ်ရဲ့ ကြိုးပမ်းချက်ကို အရှေ့တောင်အာရှနိုင်ငံများအသင်း (အာဆီယံ)၊ ဥရောပသမဂ္ဂ၊ အိန္ဒိယ၊ တရုတ်နိုင်ငံတွေ အပါအ၀င် နိုင်ငံတကာ မိသားစုနဲ့ အတူတကွ လက်တွဲပြီး ဆက်လက် ကြိုးပမ်း ဆောင်ရွက်ရမှာ ဖြစ်ပါတယ်။ ဒီမိုကရေစီပြည့်ဝပြီး ငြိမ်းချမ်းတဲ့ မြန်မာနိုင်ငံအနေနဲ့ တနေ့မှာ နိုင်ငံတကာမိသားစုနဲ့ အပြည့်အ၀ ပူးပေါင်းဆောင်ရွက်လာနိုင်လိမ့်မယ်လို့ မျှော်လင့်ပါတယ်”ဟု ဆိုသည်။

တွမ်လန်းတော့စ်တင်သွင်းသည့် မြန်မာနိုင်ငံမှ ကျောက်မျက်များ ပိတ်ဆို့ရေးဥပဒေက အမေရိကန်အစိုးရ အနေနှင့် မြန်မာနိုင်ငံအပေါ်တွင် တင်းမာသည့် သဘောထားရှိသည်ဟု ဖော်ပြရာ ရောက်စေပါသည်။ ဤဥပဒေ ပြဌာန်းခဲ့ရာတွင် ရည်ရွယ်ချက် ၃ ချက်ရှိသည်။ နောက်ထပ်ဘဏ္ဍာရေး တင်းကျပ်အရေးယူမှုများ ပြုရန်၊ စစ်အစိုးရခေါင်းဆောင်များနှင့် အပေါင်းအပါများကို ခရီးသွားလာခွင့် ကန့်သတ်ရန်နှင့် ၂၀၀၃ ခုနှစ်က ချမှတ်ပြဌာန်းခဲ့သည့် မြန်မာနိုင်ငံမှ ကျောက်မျက်များ တင်သွင်းမှု ပိတ်ဆို့ရေးဥပဒေကို တရစ်တင်းရန် ဖြစ်သည်။ ထိုမျှမက မြန်မာနိုင်ငံဆိုင်ရာ မူဝါဒများကို ညှိနှိုင်းဆောင်ရွက်ရန် အထူးကိုယ်စားလှယ် ရာထူးကိုလည်း အသစ် တီထွင် ခန့်အပ်ခဲ့သေးသည်။

ယခင်က အမျိုးသားလုံခြုံရေးကောင်စီတွင် တာဝန်ထမ်းခဲ့ပြီး ယခုအခါ ဂျော့ခ်ျတောင်းတက္ကသိုလ်တွင် လက်ထောက်ပါမောက္ခအဖြစ် တာဝန်ထမ်းနေသည့် မိုက်ကယ်ဂရင်းကို ဤရာထူးနေရာအတွက် အဆိုပြုခဲ့သေးသည်။ သို့သော်လည်း အိမ်ဖြူတော်တွင် နေရာအပြောင်းအလဲ ဖြစ်ပေါ်လာမှုကြောင့် ရာထူးခန့်အပ်မှုကို အတည်ပြုရန် ဆိုင်းငံ့ထားရဆဲ ရှိသည်။

အဆိုပြုထားသည့် အမေရိကန် အထူးသံအရာရှိက မြန်မာနိုင်ငံ၏ အိမ်နီးချင်းနိုင်ငံများ၊ ဥရောပသမဂ္ဂ၊ အာဆီယံအဖွဲ့ စသည့် တခြားစိတ်ဝင်စားသည့် နိုင်ငံများနှင့် ပူးတွဲလုပ်ဆောင်မည် ဖြစ်သည်။ ၎င်းသံအမတ်ကြီး၏ တာဝန်များတွင် မြန်မာနိုင်ငံ၏ အကြပ်အတည်းပြဿနာအတွက် ဘက်စုံမှချဉ်းကပ်မည့် နည်းနာများ ဖွံ့ဖြိုးတိုးတက်စေရေး မလွဲမသွေ ပါဝင်လိမ့်မည်။ ထို့ပြင် ဖိအားပေးမှု၊ တွေ့ဆုံဆွေးနွေးရေး၊ မြန်မာပြည်သူများဒုက္ခ သက်သာချောင်ချိစေရေးအတွက် အစိုးရမဟုတ်သည့် အဖွဲ့အစည်းများကို လူသားချင်းစာနာသည့် ကူညီမှုများ ထောက်ပံ့ရေးကိစ္စများ စသဖြင့် ကဏ္ဍစုံ ပါဝင်ပါလိမ့်မည်။

မြန်မာအတိုက်အခံ အင်အားစုများက သမ္မတအိုဘားမားကို မြန်မာနိုင်ငံမူဝါဒနှင့် ပတ်သက်၍ တင်းမာသည့်သဘောထား ထားရှိစေလိုသော်လည်း နည်းပရိယာယ်ပိုင်းဆိုင်ရာ အပြောင်းအလဲများနှင့် ပို၍ ကောင်းမွန်သည့် ဗျူဟာ ချမှတ်ဆောင်ရွက်မှုများ မြင်တွေ့ရဖွယ် ရှိသည်။

ထင်ရှားသည့် မြန်မာ့အတိုက်အခံ နိုင်ငံရေးခေါင်းဆောင်တဦးဖြစ်သူ ဦးဝင်းတင်က အိုဘားမား၏ အောင်ပွဲကို ချီးကျူးဂုဏ်ပြုစကားပြောရင်း အမေရိကန်ပြည်ထောင်စုအနေနှင့် မြန်မာနိုင်ငံအရေးနှင့် ပတ်သက်၍ နိုင်ငံတကာအစိုးရများ၊ အဖွဲ့ အစည်းများနှင့် ပူးတွဲဆောင်ရွက်သည့် ချဉ်းကပ်မှုပြုရန်လည်း တိုက်တွန်းခဲ့ပါသည်။

“ကျနော်တို့က အမေရိကန်ကို နိုင်ငံတကာမိသားစုရယ် ကုလသမဂ္ဂရယ်နဲ့ ပူးတွဲ လုပ်ဆောင်စေချင်ပါတယ်”ဟု သူက ဆိုသည်။

စစ်အစိုးရ၏ အကျဉ်းထောင်ထဲတွင် ၁၉ နှစ်ကြာ ဖြတ်သန်းခဲ့ရသူ ဦးဝင်းတင်က အမေရိကန်ပြည်ထောင်စု အနေနှင့် စစ်အစိုးရနှင့် အပေးအယူပြု ညှိနှိုင်းခြင်းမပြုရန်လည်း သတိပေးခဲ့သည်။ နိုင်ငံတကာမိသားစုမှ ပိုမိုထိရောက်သည့် ပိတ်ဆို့ အရေးယူမှုများနှင့် လက်ဦးမှုယူ လုပ်ဆောင်သည့် ဖိအားပေးမှုများ မြန်မာနိုင်ငံ ဒီမိုကရေစီ လှုပ်ရှားမှု ရှေ့ဆက် တိုးတက်နိုင်ရေးအတွက် လိုအပ်သည်ဟု ဆိုပါသည်။

အမေရိကန်ပြည်ထောင်စုက မြန်မာ့ဒီမိုကရေစီ လှုပ်ရှားမှုအပေါ် မူဝါဒရေးရာအရ ခိုင်ခိုင်မာမာ ရပ်တည်ပေးမည့် အချက်ကို ဦးဝင်းတင် အနေနှင့် စိုးရိမ်ပူပန်ဖွယ် အကြောင်းမရှိပါ။ အမေရိကန် သမ္မတရွေးကောက်ပွဲ မတိုင်မီမှာပင် ၀ါရှင်တန် အခြေစိုက် အကြံပေးအဖွဲ့တခုဖြစ်သည့် မဟာဗျူဟာနှင့် နိုင်ငံတကာရေးရာ လေ့လာရေးဗဟိုဌာနက နောက်ဆုံး ထုတ်ပြန်ခဲ့သည့် အောက်တိုဘာလ သုံးသပ်ချက်တွင် သမ္မတသစ်အိုဘားမားကလည်း မြန်မာနိုင်ငံအပေါ် စီးပွားပိတ်ဆို့ ပြစ်ဒဏ်ခတ်ရေး မူဝါဒကို ဆက်လက်ထောက်ခံလိမ့်မည်ဟု တွက်ချက်ဖော်ပြခဲ့သည်။

အဆိုပါသုံးသပ်ချက်တွင် “ဤသို့ အပြောင်းအလဲများ ဖြစ်ပေါ်လာစေရန် တွန်းအားသည် နောက်ဆုံး မြန်မာနိုင်ငံအတွင်းမှ လာရမည်ပင်ဖြစ်သည်။ အိုဘားမားက မြန်မာနိုင်ငံအတွင်း နိုင်ငံရေးပြုပြင်ပြောင်းလဲရေးနှင့် အမျိုးသားပြန်လည်သင့်မြတ်ရေး လုပ်ငန်းစဉ်များ ဖြစ်ပေါ်လာစေရန်အတွက် အာဆီယံအဖွဲ့၊ တရုတ်၊ အိန္ဒိယ၊ ဂျပန်နှင့် ဥရောပနိုင်ငံများ အပါအ၀င် နိုင်ငံတကာက ချိတ်ဆက်မှုရှိစွာ ပူးပေါင်းဆောင်ရွက်လာစေရေးအတွက် ကြိုးပမ်းလိမ့်မည် ဖြစ်သည်”ဟု ပါရှိသည်။

အိုဘားမား မဲဆွယ်စည်းရုံးရေးအဖွဲ့၏ အာရှရေးရာ အဆင့်မြင့်အကြံပေး အရာရှိဖြစ်သူ ဖရင့် ဂျန်နူဇီကလည်း မြန်မာနိုင်ငံပြဿနာကြောင့် အာဆီယံဒေသတခုလုံးနှင့် အမေရိကန်နိုင်ငံတို့ ပိုမိုနက်ရှိုင်းစွာ ပူးပေါင်း ဆောင်ရွက်ရေးကို အဟန့်အတား မဖြစ်စေသင့်ဟု ဆိုသည်။

“မြန်မာနိုင်ငံက အာဆီယံအဖွဲ့ဝင်နိုင်ငံ တနိုင်ငံ ဖြစ်နေတယ် ဆိုတော့ အမေရိကန်ပြည်ထောင်စုအနေနဲ့ အာဆီယံအဖွဲ့နဲ့ လက်တွဲပြီး သူတို့လိုက်နာစောင့်ထိန်းရမယ့် ကျင့်ဝတ်တွေကို လိုက်နာဖို့ တိုက်တွန်းတာမျိုး ဖြစ်သင့်တယ်” ဟု သူကပြောသည်။

မြန်မာနိုင်ငံအရေး လေ့လာသူ ပညာရှင် ဒေးဗစ် စတိုင်းဘာ့ဂ်ကလည်း အိုဘားမားအစိုးရ အနေနှင့် မြန်မာစစ်အစိုးရထံမှ ပြန်လည် သင့်မြတ်လိုသည့် ထင်ရှားသော လက္ခဏာများ မပြသမချင်း စီးပွားရေးပိတ်ဆို့အရေးယူမှုကို ရုပ်သိမ်းဖွယ် မရှိဟု မြင်နေသည်။ မည်သို့ပင် ဖြစ်စေ အစိုးရအသစ်အနေနှင့် မြန်မာစစ်အစိုးရနှင့် ဆွေးနွေးမှုများ ပို၍ ပြုလုပ်ရန် ဆန္ဒရှိနိုင်မည် ဟု သူက မျှော်လင့်ထားသည်။

မြန်မာစစ်ဗိုလ်ချုပ်များက ကမ္ဘာ့မဟာအင်အားကြီးနိုင်ငံနှင့် ပုံမှန်ဆက်ဆံရေး ပြန်လည် ထူထောင်လိုသည်ကတော့ သံသယဖြစ်ဖွယ် မရှိပါ။ လွန်ခဲ့သည့် ဆယ်စုနှစ်အတွင်းက သူတို့သည် ၀ါရှင်တန်မြို့တော်တွင် စည်းရုံးပြောဆိုပေးမည့် ကုမ္ပဏီများကိုပင် ငှားရမ်း၍ နိုင်ငံခြားရေးဝန်ကြီးဌာနနှင့် သမ္မတ အိမ်ဖြူတော်တို့ ဆက်ဆံရေး ပြန်လည်ကောင်းမွန်လာစေရန် ချဉ်းကပ်နိုင်မည့် နည်းလမ်းများ ရှာခဲ့ကြသေးသည်။ နောက်ဆုံး သမ္မတကလင်တန်နှင့် ဘုရ်ှအစိုးရတို့ကို ထိုးဖောက် မရနိုင်တော့သည့်အခါမှ လက်လျှော့ခဲ့ကြခြင်း ဖြစ်သည်။

အိုဘားမား ရွေးကောက်ပွဲနိုင်သည့်အခါ မြန်မာစစ်အစိုးရ ထိန်းချုပ်ထားသည့် သတင်းဌာနများက အိုဘားမား၏ အောင်ပွဲအတွက် ချီးကျူးဂုဏ်ပြုကြောင်း ဖော်ပြခဲ့ကြသည့်ပြင် ဗိုလ်ချုပ်မှူးကြီးသန်းရွှေက ဂုဏ်ပြုသ၀ဏ်စကား ပါးခဲ့သေးသည်။

မကြာသေးမီက ရရှိခဲ့သည့် အတည်မပြုနိုင်သေးသော သတင်းများအရ ယခင်မြန်မာသံအမတ်ဟောင်းများက အမေရိကန် ပြည်ထောင်စု အပါအ၀င် အနောက်နိုင်ငံများသို့ ခရီးလှည့်လည်၍ ယခုတက်လာမည့် အစိုးရသစ်၏ မြန်မာပြည်ဆိုင်ရာမူဝါဒ မည်သို့မည်ပုံရှိမည်ကို နားစွင့်တီးခေါက်ခဲ့ကြသည်ဟု ဆိုသည်။ အိုဘားမား၏ အစိုးရသစ်နှင့် စစ်အစိုးရအကြား တရားမ၀င် ဆွေးနွေးညှိနှိုင်းမှုများရှိလာနိုင်မည်ဟု ခန့်မှန်း ပြောကြားရန် အချိန်စောနေသေးသော်လည်း ဤသို့မဖြစ်လာနိုင်ဟုလည်း ကျိန်းသေပြော၍ မရပါ။

၂၀၀၇ ခုနှစ်တွင် ၀ါရှင်တန်အစိုးရ၏ အရှေ့အာရှနှင့် ပစိဖိတ်ရေးရာ ကိစ္စများ တာဝန်ယူရသူ ဒု လက်ထောက် နိုင်ငံခြားရေးဝန်ကြီး အဲရစ် ဂျွန် နှင့် မြန်မာစစ်အစိုးရ၀န်ကြီးများ တရုတ်နိုင်ငံ၊ ပေကျင်းမြို့တော်၌ တွေ့ဆုံ ဆွေးနွေးမှု တကြိမ် ဖြစ်ပေါ် ခဲ့သည်။

ဤတွေ့ဆုံမှုက မြန်မာစစ်အစိုးရ၏ တောင်းဆိုမှုကြောင့် ဖြစ်ပေါ်လာခဲ့ရပြီး ပွင့်လင်း လွတ်လပ်စွာ နှစ်ဘက်အမြင်ကို ဆွေးနွေးခဲ့ကြသည်ဟု ဖော်ပြခဲ့ကြသည်။ မြန်မာစစ်အစိုးရ အရာရှိများက ဆွေးနွေးပွဲများကို မြန်မာနိုင်ငံအတွင်း ဆက်လက် ကျင်းပလိုကြသော်လည်း၊ အမေရိကန်အရာရှိများကမူ ဒေါ်အောင်ဆန်းစုကြည်နှင့် တွေ့ဆုံဆွေးနွေးခွင့်မရှိလျှင် မဆောင်ရွက်နိုင်ဟု ပယ်ချခဲ့ကြပါသည်။

အမေရိကန်နှင့် မြန်မာအရာရှိများ၏ ဆွေးနွေးပွဲ အသေးစိတ်အကြောင်းအရာများကို ပြင်ပသို့ ထုတ်ဖော်ပြောဆိုခြင်း မရှိသော်လည်း ဆွေးနွေးကြသည့်ကိစ္စများတွင် ဒေါ်အောင်ဆန်းစုကြည်နှင့် နိုင်ငံရေး အကျဉ်းသားများကို ဆက်လက်ဖမ်းဆီး ထိန်းသိမ်းထားမှု၊ အမေရိကန်ပြည်ထောင်စု၏ စီးပွားရေးဒဏ်ခတ် ပိတ်ဆို့မှုကိစ္စနှင့် မြန်မာနိုင်ငံ၏ အထွေထွေ နိုင်ငံရေး အခြေအနေတို့ ပါဝင်နိုင်ပါသည်။ ဆွေးနွေးပွဲ တက်ရောက်ခဲ့ရသူ အမေရိကန်အရာရှိက ပြန်၍ပြောပြရာတွင် ဒေါ်အောင်ဆန်းစုကြည်၏ နာမည်ကို ထုတ်ဖော်ပြောဆိုသည်နှင့် တပြိုင်နက် မြန်မာစစ်အစိုးရ ၀န်ကြီးများ၏ မျက်နှာက ချက်ချင်း ပြောင်းလဲသွားပြီး တစ္ဆေသူရဲကို တွေ့လိုက်ရသူများနှယ် ရှိခဲ့သည်ဟု ဆိုသည်။

နောက်ထပ် အမေရိကန်ပြည်ထောင်စုနှင့် မြန်မာစစ်အစိုးရတို့ ဆွေးနွေးပွဲများ ဖြစ်ပေါ်မလာနိုင်ဟုလည်း အပြတ်ပြောရန် မဖြစ်နိုင်ပါ။ သို့သော်လည်း ဒေါ်အောင်ဆန်းစုကြည်ကို ထိတွေ့ဆက်ဆံခွင့် မရှိသေးဘဲနှင့် မြန်မာနိုင်ငံအတွင်း ဆွေးနွေးပွဲများ ဖြစ်လာရန် အခြေအနေ ဝေးပါသေးသည်။

စတိုင်းဘာ့ဂ်က “အပြောင်းအလဲတွေ မရှိရင်တော့ တိုက်ရိုက်တွေ့ဆုံဆွေးနွေးမှုတွေက မြန်မာနိုင်ငံ ပြင်ပမှာပဲ ဖြစ်နိုင်ခြေရှိပါတယ်။ တကယ်လို့ ဒေါ်အောင်ဆန်းစုကြည်နဲ့ တွေ့ခွင့်မရဘူးဆိုရင် အမေရိကန်အစိုးရအနေနဲ့ သူ့အရာရှိတွေကို မြန်မာနိုင်ငံကို လွှတ်ဖို့ဆိုတာ သံသယရှိစရာပါ။ ဗိုလ်ချုပ်မှူးကြီးသန်းရွှေက အာဏာကိုချုပ်ကိုင် ထားသရွေ့ ဒီလို အခြေအနေကလည်း ဖြစ်ဖို့ ခက်ပါတယ်”ဟု ဆိုသည်။

စတိုင်းဘာ့ဂ်က အိုဘားမား အုပ်ချုပ်ရေးကာလတွင် မြန်မာနိုင်ငံဆိုင်ရာမူဝါဒနှင့် ပတ်သက်၍ သိသိသာသာ ပြောင်းလဲလာရန် အကြောင်းမရှိဟု သုံးသပ်သည်။

သို့သော်လည်း သူက “ဒါပေမယ့် ၀ါရှင်တန်မှာရှိနေတဲ့ အင်အားစုတွေ ကြားမှာတော့ စစ်တပ်ဟာ မြန်မာနိုင်ငံရဲ့အဖြေ တစိတ်တပိုင်း ဖြစ်တယ်ဆိုတာကို ပိုအသိအမှတ်ပြုလာကြတယ်။ မြန်မာနိုင်ငံက ပြဿနာတွေ ပြေလည်လာစေဖို့ စစ်တပ်က ကဏ္ဍတရပ်အနေနဲ့ လိုအပ်တယ်ဆိုတာလည်း မြင်လာကြတယ်။ အရင်တချိန်က အမေရိကန်ရဲ့ မူဝါဒဖြစ်ဖူးတဲ့ သူတို့ကို စစ်တန်းလျားပြန်ခိုင်းလိုက် ဆိုတာမျိုး ရှေ့ဆက်မဖြစ်နိုင်တော့ဘူး ဆိုတာ သိမြင်လာတယ်။ အရင်ကလည်း မဖြစ်ခဲ့ဘူး” ဟု ဖြည့်စွက်ပြောခဲ့သည်။

“ခြုံပြောရမယ်ဆိုရင်တော့ ကြည့်ရတာ အပြောင်းအလဲဖြစ်ဖို့က နည်းတယ်၊ အရင်အတိုင်းပဲ ဖြစ်ဖို့က ပိုများနေတယ်။ မြန်မာပြည်သူတွေအနေနဲ့လဲ ဒုက္ခဆင်းရဲတွေ ဆက်ခံစားနေရဖို့ ရှိတယ်”ဟု သူက ဆက်ပြောသည်။

ကိုမင်းဇင်ကမူ အမေရိကန်သမ္မတသစ်၏ အုပ်ချုပ်ရေးသည် ယခင်သမ္မတဘုရှ် ကျင့်သုံးခဲ့သည့် “တကိုယ်တော်ကြဲ”မူဝါဒထက်စာလျှင် အများနှင့်ကျေလည်အောင်ညှိနှိုင်း အဖြေရှာသည့်ပုံစံ ပို၍ဖြစ်နိုင်သည်ဟု မြင်သည်။

သမ္မတဘုရှ် ချဉ်းကပ်ခဲ့ရာတွင် အားနည်းခဲ့သည့် အချက်မှာ မြန်မာပြည်အရေးနှင့် ပတ်သက်၍ နိုင်ငံတကာ အင်အားစုများနှင့် အပေးအယူပြုနေရခြင်း၊ ညှိနှိုင်းလုပ်ဆောင်နေရခြင်းပင် ဖြစ်သည်ဟု ကိုမင်းဇင်က ဆိုသည်။ ဤ အချက်ကြောင့် မြန်မာနိုင်ငံတွင် ထင်သာမြင်သာသည့် ရလဒ်များ မထွက်ပေါ်နိုင်ဘဲဖြစ်ခဲ့ရသည်ဟု သူကမြင်သည်။

အမေရိကန် ရုပ်မြင်သံကြားကွန်ယက်တခုဖြစ်သည့် အေဘီစီ သတင်းဌာနနှင့် တွေ့ဆုံမေးမြန်းခန်းတွင် မြန်မာနိုင်ငံကို “အာဏာရှင်များ၏ ခံကတုတ်နိုင်ငံ”တခုအဖြစ် လူသိရှင်ကြား ထည့်သွင်းဖော်ပြခဲ့သည့် နိုင်ငံခြားရေးဝန်ကြီး ကွန်ဒိုလီဇာရိုက်စ်က နိုင်ငံတကာ မိသားစုအနေနှင့် မြန်မာပြည်သူများကို မကယ်ဆယ်နိုင် ဖြစ်ခဲ့ရသည့်အပေါ် သူမ၀မ်းနည်းမိသည်ဟု ပြောဆိုခဲ့သည်။ ယခုလို ပွင့်ပွင့်လင်းလင်း ၀န်ခံ ပြောဆိုခဲ့သည့်အပေါ် ကြိုဆိုရန် ရှိပါသည်။ သို့သော်လည်း မြန်မာပြည်သူများ အနေနှင့် နောက်တကြိမ် ပစ်ထားခံရသည့် အခြေအနေမျိုးကိုတော့ မလိုချင်ကြတော့ပြီ။

အော်ဇော်ရေးသားသည့် Burma and Obama ကို ဆီလျော်အောင် ပြန်ဆိုဖော်ပြပါသည်။

http://www.irrawaddy.org/bur

A

B

C

The Kitchen မီးဖိုချောင်